இப்பக்கம் மெய்ப்பு பார்க்கப்பட்டுள்ளது
________________ 51 சிறுவர் இலக்கியம்
5. கடமை புரிவோம் களிப்பாகக்;
காலம் தன்னில் உணவிட்டு
மடமை ஒழிய அறிவுரைகள்
மாதா மகிழ்வாய் வழங்கிடுவாள்.
6. எங்கள் உடம்பும் உடைகளுமே
என்றும் தூய்மை குறைவதில்லை;
எங்கும் அழகாய்க் காட்சிதரும்
எங்கள் சிறிய நல்வீடே.
7. ஒருவர்க்கு ஒருவர் உறவாகி,
உழைத்துப் புசித்து வாழ்வதனால்,
தரையில் எங்கள் சிறுவீடே
தழைத்து வளரும் நல்வீடே.
-*-
