50
மதி:
அவன்
அருகில் நிற்கும் உரிமை கொண்டான்
ஆனந்தம் பாராய் - கண்ணே
ஆனந்தம் பாராய்.
இருவரும்:
காணும் காக்ஷியே காதல் ஆட்சிதான்.
காணும் காக்ஷியே காதல் ஆட்சிதான்.
(பேசிக்கொண்டே இருவரும் செல்கின்றனர்)
[குமாரதேவியின் தனி அறை. குமாரதேவி சாய் வாசனத்தில் வீற்றிருக்கிறாள்—தோழி செந்தாமரை குறும்பாகப் பார்த்துக் கொண்டே பேசுகிறாள்...]செந்தாமரை: எப்படி தேவி இருக்கிறது ஊர்?
குமாரி: திருவிழாக் கோலமடி செந்தாமரை! எங்கும் அழகும் அன்பும் தாண்டவமாடுகிறது!
செந்தாமரை: ஆடாமல் என்ன?
குமாரி: கேலியா செந்தாமரை! மனதிலே மகிழ்ச்சி துள்ளி விளையாடும்போது, உலகம் உல்லாச கூடமாகத் தான் மாறிவிடுகிறது.
பணிப்பெண்: (அங்கு வந்து) அமைச்சரும்—படைத் தலைவரும்...
குமாரி: (ஆச்சரியமடைந்து)......வருகிறார்களா? இங்கா?
பணி: அனுமதி கோரி நிற்கிறார்கள்—அங்கு!
குமாரி: (முகம் மாறி) செந்தாமரை! புயல் கிளம்புகிறது!
[குமாரியின் தனி வறை—பணிப்பெண் வெளியேறுகிறாள்.
படைத்தலைவரும் அமைச்சரும் வருகிறார்கள். அமரும்படி சைகை காட்டுகிறாள் குமாரி. அமருகிறார்கள் அவர்கள். இருவரையும் மாறி மாறிப் பார்த்தபடி...]குமாரி: கவலையுடன் இருக்கக் காரணம்? படைத்
