பக்கம்:சோழநாட்டுத் திருப்பதிகள் 1.pdf/160

17. ஆற்றங்கரை கிடக்கும் கண்ணன் இறைவன் ஆகாயத்தின்கண் ஒலியாகவும், தீயின்கண் அழிக்கும் ஆற்றலாகவும், காற்றின்கண் வன்மையாகவும், நீரின்கண் அளியாகவும், நிலத்தின்கண் பொறுக்கும் தன்மை யாகவும் உள்ளான். “கரவிசும்பு எரிவளி நீர்நிலம், இவைமிசை வரன் நவில் திறல்வலி அளியொறை ஆய்நின்ற பரன், ! (கரம் - திடம்; விசும்பு - ஆகாயம் : எரி - தீ ; வளி - வாயு ; நீர் - நீர்; நிலம் - பூமி, வான் - சிறந்த நவில், திறல், வலி, அளி, பொறை - இவை அடைவே ஐந்து பூதங்களின் பண்புகள், பரன் - சர்வேசுவரன்) என்பது நம்மாழ்வாரின் திருவாக்கு. முதலடியில் ஐந்து பூதங்களும், இரண்டாம் அடியில் அவற்றின் குணங்களும் சொல்லப் பெறுகின்றன. (1) விசும்பு-ஆகாயம்; அதன் குணம், நவில்-சப்தம் (2) எரி-தி; அதன்குணம், திறல்-எரிக்கும் ஆற்றல் (3) வளி-வாயு; அதன் குணம், வலி-மிடுக்கு (4) நீர்-நீர்; அதன் குணம், அளி-குளிர்ச்சி (5) நிலம்-பூமி, அதன் குணம், பொறை-பொறுமை என்பவை அறியத் தக்கவை. இங்ங்ணம் பரம்பொருளாகிய திருமால் எல்லாப் பொருள்களுள்ளும் எக்காலத்தும் விட்டுப் பிரியாது கலந்து அந்தர்யாமியாக இருக்கும் நிலை சரீர-சரீரி பாவனை (உடல்-உயிர்தொடர்பு) என்று கூறுப்பெறும். 1. திருவாய். 1.1:11.