120
தமிழ்ப் பழமொழிகள்
வம்பிலே வருகிறது; குண்டாறு பெருகிறது.
வம்புக்குச் சப்பணி வைத்தாளாம். 19600
வம்புச் சண்டைக்குப் போவதும் இல்லை; வந்த சண்டையை விடுவதும் இல்லை.
வம்புத் துரைத்தனத்தாரைக் கும்பிடத் தகுமோ?
வம்பும் தும்பும் விளைக்கிறது.
வயசுக்கு ஏற்ற விவரம்.
வயசுக்குத் தகுந்த புத்தி, வல்லமைக்குத் தகுந்த சலுகை. 19605
வயசுக்கு மூத்தவனைக் கட்டி மாரடிப்பது போல,
வயசுக்கோ நரைத்தது, மயிருக்கோ நரைத்தது.
வயசு சென்றால் மதியும் தளர்ந்து போகுமா?
வயசுப் பிள்ளை சாயல் கண்ணுக்குள்ளே குத்தும்.
வயசுப் பெண்ணுக்குத்தான் வயசு காலம்; கிழத்துக்கு எல்லாம் என்ன கேடு காலம்? 19610
வயசோ வல்லக்காடோ?
வயல் முயற்சியில் தானியம் உண்டாம்,
வயல் விளைந்து உண்ண வேணும்; வரப்பு விளைந்து உண்ணலாமா?
வயிற்றில் அடிக்காமல் முதுகில் அடி.
வயிற்றில் அடித்தால் எல்லாம் போகும். 19615
வயிற்றில் இருக்கிற பிள்ளையை நம்பி மாடு மேய்க்கிற பிள்ளையைக் கொன்றாற் போலே.
வயிற்றில் குழந்தை, கழுத்தில் தாலி.
வயிற்றில் பிறந்த பிள்ளையும் கொல்லையில் காய்த்த கறியும் சமயத்துக்கு உதவும்.
வயிற்றில் வாழையைப் புதைக்கிறான்.
வயிற்றிலும் குத்திக்கொண்டு விலாவிலும் குத்திக்கொண்டது போல. 19620
வயிற்றிலே பசி; வாயிலே சிரிப்பு.
வயிற்றில் பல்.
