இந் நூலைப் பற்றி....
திரு. சி. பாலசுப்பிரமணியன், எம்.ஏ., எம்.லிட் எழுதியுள்ள இந்நூலில், தமிழ் இலக்கிய வரலாறு தெளிவாகவும் செம்மையாகவும் சுருக்கமாகவும் அமைந்துள்ளது.
இந்நூலின் ஆசிரியர் பேராசிரியர் டாக்டர் மு. வரதராசனார் அவர்களின் மாணவர் என்பதனை இந் நூலின் நடையும் கருத்தும் விளக்குகின்றன.
.... அவரது நூல் பாட திட்டத்திற்கு ஏற்ற முறையில் அமைந்துள்ளது. மாணவர் படித்துப் பயன்பெறத் தகும் முறையில் எழுதப்பட்டுள்ளது. எளிய நடையைப் பெற்றுள்ளது.
தமிழ் இலக்கிய வரலாற்றுப் போக்குகள் (trends) அனைத்தையும் மனத்துட்கொண்டு, வகை செய்து, இவ்வாசிரியர் அவற்றைச் சுருக்கமாகவும் தெளிவாகவும் எழுதிப் போகின்றார்.
தமிழ் இலக்கியம் அன்று தொட்டு இன்றுவரை சிறந்தும் நிறைந்தும் உயர்ந்தும் தாழ்ந்தும் வளர்ந்து வந்த நிலையினை இச்சிறு நூலில் விடாது விளக்கிக்கொண்டு வரும் ஆசிரியர் திறன் பாராட்டுதற்குரியது.
