பக்கம்:தாய்மை (மு. கருணாநிதி).pdf/47

நடுத்தெரு நாராயணி 45 கோயில் வேலையையும் தியாகம் செய்து விடடீர்களே !" என்று கதறினாள். "நாராயணி! சிறு பிள்ளை மாதிரி அழுதுண்டு இருக்காதே! உனக்காக நான் எவ்வளவோ செய்திருக் கேன். அது மாதிரி நீ எனக்காக எதுவும் செய்யத் தயா ராயிருக்கணும் - அதுதான் எனக்குத் தேவை!" என்று சொல்லியபடி அவள் கூந்தலைக் கோதினார் அய்யர். வி "சுவாமி! தங்களுக்காக உடல் - பொருள் - ஆவி மூன்றையும் தத்தம் செய்யத் தயாராயிருக்கிறேன்" என்று அவரது மடியிலே சாய்ந்து விக்கி விக்கி அழுதாள் அந்த விழியழகி ! கிருஷ்ணய்யர்-நாராயணி' ஜோடியைப் பார்க்கும் போது; அய்யோ, இந்த யுவதிக்கு இந்த மனிதன் அவ் வளவு பொருத்தமில்லையே' என்று சொல்லத்தான் தோன்றும். 'கிளி மாதிரி இருக்கிறாள் - இவனோ எலி மாதிரி இருக்கிறான்'- என்று விமர்சித்தவர்களும் உண்டு. 'பேரழகின் பிறப்பிடம் அவள் - இந்தப் பிராமணனோ அவளெதிரே விண்மீனுக்குமுன் மின்மினியாகத் தெரி கிறான்' - இப்படிப் பேசாதாரும் இல்லை. ஆனால், நாரா யணியின் கண்களோ, இவைகளுக்கெல்லாம் விதி விலக்கு. அவள் மனக் கண்களுக்கு முன்னே எல்லோ ருடைய விமர்சனமும் தவிடு பொடியாகி விட்டது. குலப் பெருமை இழந்தார்-கோயில் குருக்கள் என்ற மதிப்பை இழந்தார் - இவ்வளவும் தனக்காக! தன்னி டம் தந்த வாக்கை நிறைவேற்றுவதற்காக! -என நினைக் கும்போது, நாராயணிக்கு நேரே கிருஷ்ணய்யரின் உரு