இப்பக்கம் சரிபார்க்கப்பட்டது.
ஒரிஜினலில் உள்ளபடி
“இதைப் பெரிய டைப்பில் போடு”
“சரி சார்”
“கதா காலட்சேபம் !... உம். ஏனப்பா! ‘க்ஷே’ என்று போடாமல் ‘ட்சே’ போட்டுத் தொலைக்கிறாய்? ஒரிஜினலில் உள்ளபடிதானே உன்னைக் கம்போஸ் பண்ணச் சொன்னது?”
“...................”
“அம்மன் ‘பிளாக்’கை இப்படி நடுவில் போடு. இந்த ஓரத்தில் அழகாய் ‘பார்டர்’ கட்டிச் செட்டியார் ‘பிளாக்’ கைப் போடு”
“சரி சார்”
“உம், ஆமாம். என்ன புரியுதா? உன் சுத்தத் தமிழை யெல்லாம் இதிலே காட்டாதே, ஒரிஜினலில் உள்ளபடி போடு”
“...................”
“செட்டியார் பொல்லாத கோபக்காரர். உன் செந்தமிழ் நடையைக் காட்டினால் நம்ப அச்சாபீஸ் கடையைக் கட்ட வேண்டியதுதான்”
