247
அ - 2 - 4 அன்புடைமை - 8
பரிமேலழகர் உரைமுறைப்படி, இவ்வதிகார வைப்பு முறை சரியெனினும், இதிலுள்ள குறள் வைப்பு முறை முன் பின்னாக உள்ளது. அதனை முறைப்பட வைத்து, ஈண்டுப் பொருள் கூறப்பெற்றது.
- எக. அன்பின் வழியது உயிர்நிலை அஃதிலார்க்கு
- என்புதோல் போர்த்த உடம்பு. 71
பொருள் கோள் முறை:
- அன்பின் வழியது உயிர்நிலை; :::அஃதிலார்க்கு உடம்பு என்புதோல் போர்த்த:
பொழிப்புரை : அன்பை அடிப்படையாகக் கொண்டே இவ்வுயிரானது இவ்வுடலில் நிலைப்புக் கொண்டுள்ளது. அவ்வன்பு இல்லாதவர்க்குள்ள உடம்புகள் வெறும் எலும்பு மேல் தோல் போர்த்தன எனும்படி உயிரற்றனவாகும்.
சில விளக்கக் குறிப்புகள்:
1.இக்குறள், பரிமேலழகரது குறள் வைப்பு வரிசையில் 80 ஆவதுகுறளாகும். கருத்து நிரல்நிறையாக, இங்கு 7 ஆவதாக வைக்கப் பெற்றுள்ளது. இம் மாற்றம் இன்றியமையாததும், தவிர்க்கவியலாததும் ஆகும்.
- அன்பின் வழியது உயிர்நிலை அன்பின் வழியாகவே இவ்வுயிர் இவ்வுடலில் நிலைப்புக் கொண்டுள்ளது என்பது முதல் கருத்து.
- உயிரானது உடம்பு மேல் அன்பு கொண்டே இதில் வந்து குடி கொண்டும் வாழ்ந்து கொண்டும் உள்ளதாக மெய்ந்நூலாார் கருதுவர்.
நூலாசிரியரும் இதே கருத்துடையவர் என்பதை இதன்வழியும்,
- உடம்போடு உயிரிடை என்னமற் றன்ன,
- மடந்தையொடு எம்மிடை நட்பு (22)
என்னும் குறளின் வழியும் உறுதிப்படுத்துவர்.
இனி, இரண்டாவதாக ஒரு கருத்து, பிறர்தன்பால் அன்பு செய்வதனாலேயே, இவ்வுயிர் இவ்வுடலில் தொடர்ந்து தங்கி வாழ்ந்து
