ஒழுக்கமுடைமை
இ-ள்:- இறந்தார் வாய் இன்னாச்சொல் நோற்கிற்பவர் - மிகுந்தாரது வாயினின்று வரும் தீச்சொற்களைப் பொறுக்குமவர், துறந்தாரின் தூய்மை யுடையார் - துறந்தவர்களைப்போலத் தூய்மையுடையார்.
[மிகுந்தார் - நெறியைக்கடந்தார் - பிழை செய்தார். தூய்மையுடையார் - தூய ஒழுக்கத்தை யுடையார்.]
இது, மிகைசெய்தாரைப் பொறுப்பவர் பற்றறத் துறந்தவரோ டொப்ப ரென்றது. ௧௩0.
௧௪-வது.-ஒழுக்க முடைமை,
ஒழுக்கமுடைமையாவது, தத்தம் நிலைக்கு ஏற்ற ஒழுக்கமுடையாரதல், (இது, பொறையுடைமை சார்பாக நிகழ்தலின் அதன்பின் கூறப்பட்டது.]
பரிந்தோம்பிக் காக்க ஒழுக்கம், தெரிந்தோம்பித்
தேரினும் அஃதே துணை.
இ-ள்:- பரிந்து ஓம்பி ஒழுக்கம் காக்க - வருந்திப் போற்றி ஒழுக்கத்தினைக் காக்க, தெரிந்து ஓம்பி தேரினும் அஃதே துணை - (எல்லா அறங்களிலும் நல்லதனைத்) தெரிந்து (அதனையும்) தப்பாமல் ஆராய்ந்து பார்ப்பினும் (தமக்கு) ஒழுக்கமே துணையா மாதலால்.
இஃது, ஒழுக்கத்தைக் காக்க வேண்டு மென்றது. ௧௩௧.
உலகத்தோ டொட்ட ஒழுகல் பலகற்றும்
கல்லார் அறிவிலா தார்.
இ-ள்:- அறிவு இலாதார் பல கற்றும் - அறிவில்லாதவர் பல் நூல்களைக் கற்றாலும், உலகத்தோடு ஒட்ட ஒழுகல் கல்லார் - உயர்ந் தாரோடு பொருந்த ஒழுகுதலை அறியார்,
ஒழுக்கமாவது உயர்ந்தார் ஒழுகின நெறியில் ஒழுகுதல் என்பதூஉம் அவ்வொழுக்கம் கல்வியினும் வலியுடைத் தென்பதூஉம் இது கூறிற்று. ௧௩௨.
௪௯
7
