13
என் கணவர் நிலவில் நடக்கிறார்
செங்கல்லின் மீதினிலே மெதுவாய் ஏறும்
::சிலந்தியைப்போல் வானவெளி வீரர் ஆர்ம்ஸ்ட்ராங்
திங்களன்று நிலவின்மேல் காலை ஊன்றிச்
::செயற்கரிய செயல்செய்தார் என்று கேட்டுப்
பொங்கலன்று பூரிக்கும் தமிழர் போலப்
பூரித்தேன். வாயார வாழ்த்த லானேன்.
திங்களன்று வெற்றிகண்ட வீரர் தம்மைச்
::செவ்வாயால் என்மகளும் வாழ்த்த லானென்
மைக்கேலும் காலின்கம் நீல் ஆர்ம்ஸ்ட் ராங்கும்
;
வான்மதியில் மெதுவாகக் காலை ஊன்றிக்
கைக்கோலால் ஆராய்ந்து, நிலவுப் பாறைக்
::கட்டிகளைப் பூமிக்குக் கொண்டு வந்தார்.
பொய்க்காதல் தோற்பதுபோல், அமெரிக் காவின்
::புதுமுயற்சி தோற்றிருந்தால், இந்த நாட்டின்
வைக்கோல்போர் வைதீகம், ராகு கேது
::வரலாற்றுப் பஞ்சாங்கம் படித்தி ருக்கும்.