இப்பக்கம் மெய்ப்பு பார்க்கப்பட்டுள்ளது
38
பல்லவர் வரலாறு
‘அச்சுதக் களப்பாளன்’[1] என்னும் பெயர் கொண்ட வேந்தன் ஒருவன் முடியுடை மூவேந்தரையும் வென்று சிறைப்படுத்தினான் என்று தமிழ் நாவலர் சரிதை கூறுகின்றது. கி.பி.11ஆம் நூற்றாண்டினதான யாப்பருங்காலக்காரிகையில் ஒரு பாடல் அவன் சிறப்பைக் கூறுகிறது. அஃது,
- “அடுதிறல் ஒருவ/நிற் பரவுதும்: ‘எங்கோன்
- தொடுகழற் கொடும்பூண் பகட்டொழில் மார்பில்
- கயலொடு கலந்த சிலையுடைக் கொடுவரிப்
- புயலுறழ் தடக்கைப்போர்வேல் அச்சுதன்
- தொன்றுமுதிர்கடலுலகம் முழுதுடன்
- ஒன்றுபு திகிரி உருட்டுவோன்’ எனவே”
என்பது.
இது விளக்கத்தனார் என்னும் பண்டைப் பாவலர் பாடியதாகும். யாப்பருங்கல விருத்தியில் மற்றொரு செய்யுள் காணப்படுகிறது. அது,
- “பொருகுடை வளாகம் ஒருகுடை நிழற்றி
- இருபிறப்பாளர்க்(கு) ஈந்து மனமகிழ்ந்து
- அருள்புரி பெரும்புகழ் அச்சுதக் கோவே/
- நந்தி மாமலைச் சிலம்பு
- நந்தி நிற் பரவுதல் நாவலர்க்கரிதே”
இச் செய்யுட்கள் பழையன என்பது இவற்றின் நடை கொண்டு கூறலாம். மேலும் முதற்பாட்டின் ஈற்றடி “ஒரு தனி யாழி உருட்டுவோன்” எனவே என வரும் சிலப்பதிகார அடியை ஒற்றிவருதல் இதனை நன்கு வலியுறுத்தும். எனவே, தமிழ் நூல்களில் கூறப்படும்.அச்சுதன் புத்ததத்தர்க்கறிய அச்சுதனே என்பது தெளிவாதல் காண்க.
- ↑ கம்மர்-கம்மாளர், அந்தணாளர் என்ப்து போலக் களப்பர் என்பது களப்பாளர் என வருதல் இயல்பு.