பாதுகாப்புக் கல்வி
59
ஏனெனில், மணற்பரப்பில் கூரிய சிறுசிறு கல், பரிசல், முள் போன்றவைகள் நிறையக் கிடக்க வாய்ப்புண்டு.
9. விளையாடப் பயன்படும் பொருட்கள் பழுதாகி iருக்க வாய்ப்புக்கள் உண்டு. அவற்றை உடனுக்குடன் பார்த்து விடுவது சிறந்த பாதுகாப்பு முறையாகும்.
10. விளையாடும் மைதானம் முழுவதும் மேடு பள்ளங்கள் இல்லாமல் சமன் செய்து வைத்துக் கொள்ள வேண்டும்.
11. குழந்தைகளுக்குப் பாதுகாப்பு விதிகள் பற்றிய ஞானத்தை வளர்த்து விடவேண்டும். அவர்கள் புரிந்து கொண்டுவிட்டால், பாதுகாப்பு முயற்சியில் பாதி அளவு எளிதான வெற்றிதானே!
12. விளையாடும் நேரம் எல்லாம் மிகவும் கவனத்துடனும், பொறுப்புடனும் விளையாடுமாறு தூண்ட வேண்டும்.
இவற்றினைக் கண்காணிக்க, பயிற்சியாளர்களுக்குத் துணையாக, அணித் தலைவர், குழுத் தலைவர், வகுப்புத் தலைவர் மற்றும் மாணவர் தலைவர் இவர்களின் பணியைப் பயன்படுத்திக் கொள்ளலாம்.
மாணவர்களை, விளையாடும். ஆடுகளப் பகுதியிலே, ஆட வைப்பது பெரிதல்ல. அவர்களை ஆட்டத்தில் நிதானம் இழக்காமல் விளையாடச் செய்வதுதான் மிகவும் பெருமுயற்சிக்குரிய காரியமாகும்.
