'குல்' (கூடற் கருத்துவேர்)
17
குல் - குள்- கள். கள்ளுதல் = 1. கூடுதல், பொருந்துதல், ஒத்தல். 'கள்ள' ஓர் உவமையுருபு. 'கள்ளக் கடுப்ப” (தொல். பொருள்
உவம்.11).
கள்- களம் = 1. கூட்டம். 2. கூடுமிடம். 3. நெற்களம். “காவ லுழவர் களத்தகத்துப் போரேறி” (முத்தொள். 65). 4. போர்க்களம். “ஈரைம் பதின்மரும் பொருதுகளத் தொழிய” (புறம். 2 : 15). 5. அவை. 6. இடம் (திவா.).
களம் - களமர் களமர் = 1. மருதநில மாக்கள். “கருங்கை வினைஞருங் களமருங் கூடி” (சிலப். 10 : 125). 2. போர் மறவர். "கள்ளார் களம ரிருஞ்செரு மயக்கமும்” (மதுரைக். 393). களமன்- வ. கலம.
களம் - களமம் = (மருதநிலத்து) நெல். களமம்- வ. கலம. களம் - களன் = அவை. "களனஞ்சி” (குறள். 730).
களம் - களர் = கூட்டம் (சூடா.).
களர் - களரி = 1. அவை. "அரங்கேற்றுங் களரியிலே" (திருக்கை). 2. போர்க்களம். 'பூசற் களரியிலே" (பு. வெ. 2 : 6. கொளு, உரை). 3. நாடகம் கல்வி மல் முதலியன பயிலும் அரங்கு. 4. வழக்கு மன்றம் (கோயிலொழுகு. 64). 5. தொழிற்சாலை.
களம் - களன் - கழனி = 1. மருதநிலம் (பிங்.). 2. வயல். "கழனி யுழவர்”(புறம். 13 : 11). 3. சேறு.
கள்-(களகு) = களகம் = 1. நெற்கதிர். 'வண்களக நிலவெறிக்கும்” (திவ். பெரியதி. 6 : 9 : 10). 2. சுண்ணாம்புச் சாந்து. "களகப் புரிசைக் கவினார்....... காழி" (தேவா. 112:3).
=
களகம் களபம் 1. கலவை (சூடா.). 2. சுண்ணச்சாந்து. 'நுண்களபத் தெளிபாய" (திருக்கோ. 15). 3. கலவை மணச்சாந்து. “புலிவிரா யெறிந்திடக் களபம் போக்குவார்” (இரகு. இரகுவுற். 26).
ஒ.நோ: மண்டகம் - மண்டபம், வாணிகம்- வாணிபம்.
—
―
கழகம்
களகு கழகு = கழகம். கழகு = 1. பேரவை. “கழக மேறேல் நம்பீ” (திவ். திருவாய். 6 : 2 : 6). 2. புலவரவை (திவா.). 3. கல்வி பயிலும் இடம். “கந்தனை யனையவர் கலைதெரி கழகம்’ (கம்பரா. நாட்டுப். 48). 4. படைக்கலம் மற்போர் முதலியன பயிலும் இடம் (திவா.). 5. கவறாடும் இடம். “கழகத்துக் காலை புகின்” (குறள். 937). ம. கழகம்.
கழகம் என்னுஞ் சொல், இயல்பாக ஓர் அவையை அல்லது அவைக்களத்தைக் குறிக்குமேயன்றி, கவறாடும் அரங்கைக் குறிக்காது.