14
இயற்றமிழ் இலக்கணம்
41. இடுகுறியாவது யாதொரு காரணமுமின்றி நம் முன்னோரால் ஒரு பொருளுக்கு இடப்பட்ட குறி. இதற்குப் பொருளில்லை. குறி - பெயர்.
உ-ம். கல், மண், மரம்.
42. காரணமாவது ஏதேனுமொரு காரணம்பற்றி ஒரு பொருளுக்கு இடும் பெயர். இது காரணப் பெயரென்றும், காரணக்குறியென்றுங் கூறப்படும். இதற்குப் பொருளுண்டு.
உ-ம்.
உடை - உடுப்பது
பறவை - பறப்பது
வளையம் - வளைந்திருப்பது
முக்காலி - மூன்று கால்களை யுடையது.
2. அறுபொருட் பெயர்
43. எல்லாப் பெயர்ச்சொற்களும் பொருள், இடம், காலம், சினை, குணம், தொழில் என ஆறுவகைப்படும்.
பொருள்கள் ஆறுவகையாதலின் அவற்றின் பெயர்களும் ஆறு வகைப்
பட்டன.
44. பொருட்பெயர்: தனிவடிவும் இடப்பெயர்வும் உடைய ஒரு பொருளின் பெயர் பொருட்பெயராகும்.
உ-ம். இராமன், மாடு, கல், மரம்.
45. இடப்பெயர்: ஓர் இடத்தின் பெயர் இடப்பெயராகும்.
உ-ம். நாடு, நகர், மலை, ஆறு.
குறிப்பு: மலை, வீடு முதலியவற்றிற்கு வடிவிருப்பினும், அவை நிலத் தினின்றும் பிரிக்கப்படாமையானும், நிலைபெயராகாமையானும் டப் பொருள்களே யன்றிப் பொருட்பொருள்களாகா. ஆகவே அவற்றைக் குறிக்கும் பெயர்களும் இடப்பெயர்களேயன்றிப் பொருட்பெயர்க ளாகா.
46. காலப்பெயர்:- காலத்தின் பெயர் காலப் பெயர்.
உ-ம். நொடி, பகல், நாள், ஆண்டு.
47. சினைப்பெயர்: ஓர் உறுப்பின் பெயர் சினைப்பெயர்.
சினை - உறுப்பு.
உ-ம்.
கை, கால், இலை, கா-.