பொண்' போல அமர்ந்து, கழுத்துப்பட்டியை விரல்வைத்து நெருடிக் கொண்டான்.
தாசில் வண்டி மோக்ளாவாக ஓடியது. "அரைமணி நேரத்துக்குள்ளே டேசனுக்கு போகணும்டா" என்றார் தாசில் பிள்ளை.
"சதி, இன்னா நிமிஷத்திலே" என்றுகொண்டு வலவனை இழுத்து இடமனை முதுகில் முழங்கை வைத்து ஒரு குத்து குத்தினான். மாடுகள் பறந்தன.
"ஏலே, அடியாம ஓட்டு, அடியாம ஓட்டு" என்றார் சின்ன எசமான்.
வண்டி கரை வழியாக ஓடி கன்னடியன்கால் வயற்கரைமீது ஏறியது. பச்சேரித் தொப்புளான் காய்ந்த பனை மடல்களை சுமந்து கொண்டு வந்தான். மாடுகள் சற்று கலைந்தன.
"என்ன மூதி எருவுதெ" என்று கால் விரல்கள் கொண்டு குத்தி னான் கருப்பையா.
கிழட்டு வெள்ளையன் தள்ளாடி கரைச் சரிவில் நிற்க வேண்டிய தாயிற்று.
'நம்ம சவுக்கையிலெ யாரும் நிண்ணா, சத்தங்குடு" என்றார் தாசில் பிள்ளை.
வண்டியும் கன்னடியன் காலைத் தாண்டி ஜில்லா போர்ட் ரஸ்தாவை நோக்கி திரும்பியது. வயற்கரைப் பாதைக்கும் ரஸ்தாவுக்கு மிடையில், பனை விடலியும் உடையும் திக்காலுக்கு ஒன்றாக முளைத்த கட்டாந்தரை. சரசரவென்ற சத்தத்துடன் வண்டிச்சக்கரம் புதைந்து அமுங்கி புழுதியில் கோடிட்டது.
"எசமான்,சவுக்கேலெ எங்க மாமன் குத்த வச்சிருக்காப்பிலே தெரியிது". "ஒ.. மாமனோய் என்று குரல் கொடுத்தான்.
பல்லிடுக்கில் அருகம்புல்லை அரும்பியபடி தேவர் ஆடி அசைந்து எழுந்தார். வண்டிக்குள் தாசில் பிள்ளை இருந்தது தென்பட்டதும் சுறுசுறுப்பை வருவித்துக்கொண்டு ஓடிவந்து, "எசமான்" என்றார்.
"நான் கொக்கரகொளத்துக்கு போயிட்டு வாரேன்; நீ வீட்டை விட்டு அசையக்கூடாது; சின்னத்தம்பி சாயங்காலம் வருவான், நாளைக்கு ஓலை வெட்டணும்னு சொல்லியனுப்பு” என்று உள்ளிருந்தபடியே உத்தரவு கொடுத்தார் தாசில்தார்.
மாடுகள் கழுத்தைக் குனிந்து முக்கி முனகிக்கொண்டு, ஸ்தல ஸ்தாபன நிர்வாக சுவதந்திர வியவகாரத்தால் சமிக்கைபூர்வமாக சரலிட்ட ஜில்லா போர்ட் ரஸ்தாவில் ஏறியது. வண்டியின் பட்டம் உராய்ந்து உராய்ந்து ரஸ்தாவில் ரெட்டை வாய்க்கால் வெட்டி விட்டது போன்ற பள்ளத்துக்குள் லொடக்கென்று விழுந்து உள்ளிருந்தவர்களுக்கு க்ஷண அதிரச்சிக் கொடுத்து, ஆபத்தில்லா ரெட்டை வாய்க்காலில் உருண்டுருண்டு சென்றது.
"கருப்பையா மாட்டைக் கொஞ்சம் முடுக்கு" என்றார் தாசில்தார்.
புதுமைப்பித்தன் கதைகள்
753
