இப்பக்கம் சரிபார்க்கப்பட்டது.
• பூமியில் வல்லவர் நடுவினிலே-நான்
பொய்யை எதிர்த்துக் கொதிக்கின்றேன்
மாமிசம் விற்பவர் நடுவினிலே-நான்
மலர்களைத் தேடித் தவிக்கின்றேன்
பசியைக் காட்டிப் பயமுறுத்தல்-வெறும்
பலத்தைக் காட்டிப் பயமுறுத்தல்
வசியப்படுத்தி வசப்படுத்தல்-என்
வாழ்வைக் காட்டி அதிரவைத்தல்
சாதியைக் காட்டித் துாற்றிடுதல்-ஒரு
சாதியும் இல்லா மானிடத்தைப்
பேதப் படுத்திப் பிழைத்திடுதல்-இவை
பெருகிப் படரும் காலத்தில்
நீதியைத் தேடிப் புறப்பட்டேன்-நான்
நெடுந்தூரம் ஓடிக் களைத்துவிட்டேன்
பாதியில் திரும்ப மனம் இல்லை-என்
பாதையை மாற்றவும் நினைக்கவில்லை
பூ-2