பக்கம்:மண்ணியல் சிறுதேர்-ஒருமதிப்பீடு.pdf/30

38 மண்ணியல் சிறுதேர் சகடிகத்தின் இரண்டாம் அங்கத்திற் காணப்படும் மாதுரன், தருத்துரகன் என்போர் சாருதத்தத்தில் வரவில்லை. மூன்றாம் அங்கம் இருநாடகங்களிலும் ஒத்தபான்மையது. நான்காம் அங்கத்திலே மதனிகை சஜ்ஜாலகன் (சருவிலகன்) உரையாடுதல் வசந்தசேனையின் செவிப்படுந் தருணத்திலே விதூடகன் இடையே தோன்று கிறான்; விதூடகன் போன பின்னரே சஜ்ஜாலகன் வசந்தசேனையின் முன் வருகிறான்; மிருச்சகடிகத்தில் இவ்வங்கம் வேறு வகையாக நடக்கிறது. இவற்றைச் சாருதத்த வெளியீட்டின் ஆங்கில முகவுரையில் எடுத்துக்காட்டிய கணபதி சாஸ்திரியார் 'சாருதத்தத்திற் குறிப்பாகச் சுட்டப்பட்டவை மிருச்சகடிகத்தில் விரிவுறக் கூறப்படுகின்றன என்கிறார்." இங்ங்ணம் சாருதத்தத்தை மூலமாய் - முதலாய்க் கொண்டதால் மிருச்சக்டிகத்திற்குச் சிறப்பிடம் இல்லாமற் போய்விடவில்லை. கணபதி சாஸ்திரியார் மிருச் சகடிகத்தைச் 'சூத்திரகன் இயற்றிய கீர்த்தி வாய்ந்த மிருச்ச கடிகம்...' என்றே குறிப்பிடுகிறார். மேலும், அவரே, மிருச்சகடிகத்தின் தனித்தன்மையை உயர்த்திக்காட்டும் அரசியல் நிகழ்ச்சி (Sub-Plot) சாருதத்தத்தில் இல்லை என்று ஒப்புக்கொள்கிறார்; 'ஆரியக பாலகர் கதை சாருதத்தத்தில் யாண்டுங் காணப்படவில்லை' என்கிறார். மிருச்ச கடிகத்தில் அரசியல் நிகழ்ச்சி ஐந்தாம் அங்கத்திற்குப் பிறகுதான் வீறுகொள்கிறது; ஆனாலும் ஆரம்ப முதல் அது குறிப்பாக உணர்த்தப்படாமல் இல்லை. முதல் அங்கத்தின் முன்னுரையில் சூத்திரதாரன், ஆண்டுகொண்டிருக்கும் அரசன் பாலகனைச் "சினமிக்க பாலகன்' என்று விபுலானந்த அடிகளார் அணிந்துரை, மண்ணியல் சிறு தேர், . 22-23.