மர இனப் பெயர்கள் 109
போடும்போது, உன்னைச் சதை சதையாகப் பிய்த்து விடுவேன் எனத் திட்டிக் கொள்வதுண்டு. ஒரே வெட்டில் சாகடிப்பதனினும் சதை சதையாகப் பிய்ப்பதால் நோவு (நோக்காடு) மிகுதியாகும். அதுபோல் மஞ்சள் சிதைக்கப் படுவதால் இப்பெயர் பெற்றதோ ? சார்பு.
பல்லிணர்: இணர் = தளிர், பூங்கொத்து. சதுரக்கள்ளி பல தளிர்க் கொத்துக்களை உடைமையால் சினையாகு
பெயராய்ப் பல்லினர் எனப்பட்டது. வடிவம்.
பிண்ட புட்பம்: அசோகு இது. அசோகு பிண்டமாகதிரட்சியாக-கொத்தாகப் பூக்கும். அதாவது, அசோக மலர்கள் அடர்த்தியாக அமைந்து, செயற்கையாகத் திரட்டிக் கட்டித் திருமணத்தில் கொடுக்கும் பூச்செண்டுபோல் இருக்கும். இப்படியிருப்பதுதான் பிண்டம். எனவே, அசோகு, பிண்ட புட்பம் (மலர்) உடைமையால் சினையாகு பெயராக இப்பெயர் பெற்றது. பயன்.
புட்ப காதம்: மூங்கில் இது. காதம் என்பது நீண்ட தொலைவைக் குறிக்கும். இங்கே, நீண்டகால இடைவெளி யைக் குறிக்கிறது. மூங்கில்களுள் சில, தோன்றிய இருபது ஆண்டிலிருந்து ஐம்பது ஆண்டு வரையும் உள்ள கால எல்லைக்குள் எப்போதாவது ஒரேமுறை பூத்துப் பின் அழியும்; சில இனங்கள் மூன்றாண்டுகட்கு ஒருமுறை பூக்கும். இவ்வாறு, பூக்கும் கால இடைவெளி, இட இடைவெளி போல் நீட்டித்திருப்பத: ல், மூங்கில் புட்ப காதம் எனப் பட்டது. காலம்.
புறம்பனை ; புறம்பணை முல்லை நிலத்தைக் குறிக்கும். இந்நிலத்தில் முல்லைக்கொடி வளர்வதால் இடவாகுபெய ராகப் புறம்பணை எனப்பட்டது. சார்பு.
பொற்காசு. இது காணம் என்னும் கொள்ளுப் பயறாகும். இப்பயறு ஒவ்வொன்றும், பண்டைக்காலத்தில்
