160 மர இனப் பெயர்கள்
வேலை நமக்கு இராது"- எனத் தோழியும் தலைவியும் பேசிக் கொள்கின்றனர். இப்பாடலால் வேங்கைக்குக் கணி என்னும் பெயர் உள்ளமை புலப்படும். சார்பு - ஒப்புமை.
கோழை அறுக்கும் சூரன்: இது திப்பிலி. கோழையைத் திப்பிலி என்னும் மருந்துச் சரக்கு அறுத்துப் போக்கு வதால், இது கோழை அறுக்கும் சூரன் எனப்பட்டது. இப்பெயர் போகர் நிகண்டில் கூறப்பட்டுள்ளது:
' கப்பிலியாம் கோழைதனை அறுக்கும் சூரன்
கருதியதோர் திப்பிலியின் பெயரு மாமே". (701)
என்பது நிகண்டுப் பாடல் பகுதி. இது பற்றிக் கூறும் தேரையர் பாடல் வருமாறு:
' இருமல் குன்மம் இரைப்புக் கயப்பிணி
ஈளை பாண்டு சந்யாசம் அரோசகம் பொருமல் ஊதை சிரப்பிணி மூர்ச்சைநோய்
பூரிக்கும் சலதோடம் பீலிகமும்..... பேரும் திப்பிலிப் பேர் அங்கு உரைக்கவே'.
தேரன் வெண்பாப் பாடல்:
' ஈளை இருமல் இரைப்புப் பசப்பிணிகள்
மாள வொழியாமல் வாட்டுமே”. எனவே, திப்பிலிக்கு (கொடிவகை) இப்பெயர் பொருந்தும். பொருட் பண்பு நூலில் இதற்குக் கோழை அறுக்கி’ என்னும் பெயர் கொடுக்கப்பட்டுள்ளது. பயன்.
திரை போக்கி: மிளகு இது. திரை என்பது, உடலில் தோல் சுருங்குதலாகும். மிளகு, திரை வராமல் போக்கிக் காக்குமாம்; அதனால் இப்பெயர்த் தாயிற்று, போகர் நிகண்டில் இப்பெயர் கூறப்பட்டுள்ளது. பாடல்:
