இப்பக்கம் மெய்ப்பு பார்க்கப்பட்டுள்ளது
கோடறிக் குடிமுடித்த படலம்
97
வல்லம் வல்லமாய்[1] மாம்பழம் அனுப்பவும்,
195
பானை பானையாய்ப் பால்நெய் யனுப்பவும்,
மந்தை மந்தையாய் மாடுகள் அனுப்பவும்,
வண்டி வண்டியாய் வைக்கோல் அனுப்பவும்,
யாரால் முடியும்! யாரால் முடியும்;
எந்தக் குடும்பம் ஈடு நிற்கும்?
200
ஐயா.
வழக்கும் இழந்து வகையும் இழந்து,
யாவும் இழந்து உளம் ஏங்கி யிருக்கும்
கைலாசம் பிள்ளைக் கரையாளன்[2] வீட்டை
வக்கீல் பீஸு பாக்கி வகையில்
205
எழுபது ரூபாய்க்கு ஏலம் கூறிக்
கொட்டிக் கொட்டிக் கொண்டு போனதும்
நேற்றுத் தானே, நினைவு மில்லையோ?
இந்த மாசம் எட்டாந் தேதி
மேலத் தெருவில்............வீட்டில்[3]
210
ஜப்திக்கு வந்த தலைவன், ஐயோ!
எள்ளள வேனும் இரக்கமில் லாமல்,
அந்தக்
கிழவனைத் தூக்கிக் கீழே போட்டுக்
கட்டிலை வெளியில் கடத்தச் சொன்னதும்,
215
- ↑ 165. வல்லம் - தென்னங் கீற்றினால் செய்யும் ஒருவகைக் கூடை
- ↑ 204. கரையாளன்: இது ஓர் உத்தியோகப் பெயர். கரையிலுள்ள வரிப்பணம் வாங்குபவர். தற்பொழுது நாஞ்சில் நாட்டின் பகுதி, ஊர் என்று பிரித்திருப்பது போல, முன்பு கரை, தேசம் என்றிருந்தது. கரையிலுள்ள பணப் பிரிவு செய்யும் உத்தியோகஸ்தர் கரையாளர் என்று அழைக்கப்பட்டார்.
- ↑ 210. ஏட்டில் பொடிவு.
ம. மா.-7
