இப்பக்கம் மெய்ப்பு பார்க்கப்பட்டுள்ளது
௮
முல்லைப்பாட்டு ஆராய்ச்சியுரை
பெரும் புலவர் உலகிற் சிலரே யாவர். புலவனுடைய திறமை யெல்லாஞ் “சில்வகை யெழுத்திற் பல்வகைப் பொருளைக்” காட்டுகின்ற அரும் பெருஞ் செய்கையினாலேதான் அறியப்படும். இங்ஙனம் பாட்டுவழக்கின் நுட்பமுணர்ந்து பிறமொழிகளிற் புகழ்பெற்று விளங்கிய நல்லிசைப்புலவர்கள் ஓமர்,[1] தாந்தே,[2] செகப்பிரியர்,[3]மிலிட்டனார்,[4] கீதே[5], காளிதாசர் முதலியோரும், நஞ்செந்தமிழில் திருவள்ளுவர், நக்கீரனார், இளங்கோவடிகள், கூலவாணிகன் சாத்தனார், மாங்குடி மருதனார், கபிலர், சேக்கிழார் முதலானோரும் பண்டைக்காலத்து எனை நல்லிசைப்புலவருமேயாவர். இன்னும் இதனை விரிப்பிற்
பெருகுமென் றஞ்சி இத்துணையின் நிறுத்துகின்றாம்.
