இப்பக்கம் மெய்ப்பு பார்க்கப்பட்டுள்ளது
ரோமாபுரிப் பாண்டியன்
191
புலவர் விடைபெற்றுக் கொண்டு புறப்பட்டார். சோழன் ஏழடி நடந்து சென்று அவரை வழியனுப்பி விட்டு ஒரு வீரனைக் கூப்பிட்டு உடனே மெய்க்காப்பாளனை அழைத்து வருமாறு கட்டளையிட்டான். அவனுக்குக் குழப்பம் ஓய்ந்தபாடில்லை. வீரபாண்டி என்கிற பெயரால் முத்துநகையுடன் வரப்போகிறவன் யார்? அவன் எதற்காக வருகிறான்? முத்துநகை அந்த மாயக்காரனிடம் ஏமாந்திருப்பாளா? அல்லது அவளும் இந்தச் சதிக்கு உடந்தையா? இவ்வினாக்களுக்கு விடை காணாமல் கரிகாலன் தவித்துக் கொண்டிருந்தான்.
