இப்பக்கம் மெய்ப்பு பார்க்கப்பட்டுள்ளது
ரோமாபுரிப் பாண்டியன்
221
"ஏனத்தான் கோபித்துக் கொள்கிறீர்கள்? என் ராஜா! இப்படி யெல்லாம் ஆத்திரப்படலாமா? கண்ணாளா! கண்ணயருங்கள்!" என்று மீண்டும் கேலி புரிந்தாள் தாமரை.
பதில் கூறாமல் இருப்பதுதான் நல்லது என்று கருதியவளாய் முத்துநகை வேறு பக்கம் திரும்பி உட்கார்ந்து கொண்டாள். சற்று நேரம் அங்கேயே நின்று விட்டுத் தாமரை வெளியேறினாள். அவள் வெளியேறியதைத் தொடர்ந்து கதவு சாத்தப்பட்டு வெளியே பூட்டப்படுவதைக் கவனித்தாள் முத்துநகை.
