290 விளையாட்டுக்களின் விதிகள் *Eo
(ஆ) இரண்டு ஆட்டக்காரர்களுக்குக் குறைந்த அளவில் ஏற்கனவே ஆட்டக்காரர் ஆட்டமிழந்திருக்கும் நிலையில், மூன்றாம் தளத்தில் ஒரு ஆட்டக்காரர் நின்று கொண்டிருக்கும்பொழுது, பந்தடித்தாடும் தளத்தில் நின்று கொண்டு, ஆட்டத்திற்கு இடையூறு விளைவித்துக் கொண்டு நிற்கின்ற சமயத்தில், பந்தடி ஆட்டக்காரர் ஆட்டமிழக்க மாட்டார். ஏனென்றால், அந்த ஒட்டக்காரர்தான் ஆட்டமிழக்கின்றார்.
9. பந்தடிக்கும் வாய்ப்பினைப் பெற்றிருக்கும் குழுவினர், எக்காரணத்தை முன்னிட்டும் எதிர்க்குழுவில் ஒரு ஆட்டக்காரர் தவறான பந்தடியால் உயர்ந்து செல்லும் பந்தைப் (Foul Fly Ball) பிடிக்க முயலும்போது, இடையூறு செய்யக்கூடாது.
தண்டனை: பந்து நிலைப் பந்தாகிறது. பந்தடி ஆட்டக்காரர் ஆட்டம் இழக்கிறார். தள ஓட்டக்காரர்கள் ஓடியிருந்தால், மீண்டும் தங்களது பழைய இடத்திற்கே, அதாவது பந்தெறியும்போது நின்று கொண்டிருந்த இடத்திற்கே திரும்பி வந்து நிற்க வேண்டும்.
10. ஒரு பந்தடி ஆட்டக்காரர், தான் முதலில் அடித்த பந்தையே இரண்டாவது முறையாக வேண்டுமென்றே அடிப்பதோ அல்லது தொட்டாடுவதோ (Bunt) அல்லது பந்தடிமட்டையை எறிந்து பந்தைத் தடுப்பதோ அல்லது முதல் தளத்தை நோக்கிப் போகின்ற பந்தைத் தடுப்பதோ கூடாது.
தண்டனை: அவ்வாறு செய்தால், பந்து நிலைப்பந்தாகிறது. பந்தடி ஆட்டக்காரர் ஆட்டமிழக்கிறார். தள ஓட்டக்காரர்கள் தளங்களைநோக்கி முன்னேறக்கூடாது. அவரவர் இடத்திலேயே நிற்க வேண்டும்.
அடி (Strike) என்று நடுவர் அறிவிக்கும்பொழுது
11. பந்தடிப்பவருக்கு அடிக்க ஏதுவாக சரியான விதிமுறைப்படி எறியப்படுகின்ற பந்தை, பந்தடிப்பவர் அடிப்பதற்காக மட்டையைச் சுழற்றினாலும் அல்லது சுழற்றாவிட்டாலும், அவர் அடித்தார் (Strike) என்றே நடுவர் அறிவித்துவிடுவார்.
தண்டனை: அடித்தார் என்று நடுவர் அறிவித்த பிறகு, தளங்களில் நின்று கொண்டிருக்கும் தள ஓட்டக்காரர்கள், அடுத்த தளங்களை நோக்கி, ஒடி முன்னேறலாம். ஆனால், அவர்கள் தொடப்பட்டால் ஆட்டமிழக்கவும் கூடும்.
பந்தடி ஆட்டக்காரரும் ஆட்டம் இழக்கலாம், எப்பொழு தென்றால்,
