பக்கம்:விளையாட்டுத் தாலி.pdf/100

94 நடந்து வந்தார். மாடியறையின் முன்பகுதிக் கைப்பிடிச் சுவரைப் பற்றியபடி நின்றார். ஜாஸ் சங் கீதத்தின் ஒலி அசைவின் அலைகள் கீழ்த்தளத்திலே விளையாடிக் கொண்டிருந்தன. அவற்றின் எதிரொலி படியேறி வரத் தப்பவில்லை. குறையத் தலைப்பட்ட சூட்டின் அணைப்பில் மிதந்து வந்தது இளங்காற்று. அண்டியிருந்த வேப்பத்தழைகளின் கைங்கர்யம் அது. 'ஐயா ...” அழைப்பின் பாசத்தை மட்டும் தான் அவர் அறிவார் என்பதல்ல ; அந்தப் பாசத்திற்கு வாய்த்த அவ்வுரு வத்தையும் அறிந்தவரே. உருவத்தை அறிந்தவருக்கு அவ்வுள்ளதைத்தானா தெரியாது ? - ‘'என்ன ராணி ?...' கேள்வியின் பாசத்தில் அன்பின் பரிவு விடையாகத் தொனிக்கவில்லையா ? . . 'சூப் கொண்டாந்தேனுங்க !” "ஆல் ரைட்! ...” முகத்தை நிமிர்த்தி அந்தப் பெண்ணைப் பார்த்தார்; நுட்பமான நளினத்துடன் அவள் விளங்கினாள். பணிப் பெண் என்ற தகுதியைப் பாதாளத்தில் தள்ளிவிட்டு, அவள் அழகு உச்சியில் உச்சம் பெற்றிருந்தது. - . சாப்பிடுங்க !... நெஞ்செலும்பு சூப்' 'ஒ. கே !...” சைனாக்காரன் கைப்பட்ட மங்கு கோப்பை அ து. அசூயை மேலிடத்தான் செய்தது - கோப்பையின்