பீரு முகம்மது

பீரு முகம்மது

• ஞான ரத்தினக் குறவஞ்சி
• பக்கம் 252 - 256

காப்பு

• தரவு கொச்சகக் கலிப்பா

பொன்னுலகு பொருந்துமனப் பொருள் அறியத் தானம் அறிய

மின்னுலகில் மெய்ஞ்ஞானம் விளங்குற வஞ்சிதனை

உன்னாமல் தன்னினைவின் உன்னி யுதிப் பொருநான் காய்த்

தன்னிறையைத் தன்னினைவாய்த் தரிப்பதுவே காப்பாமே

கண்ணிகள்

1

ஆதிக்கு முன்னம நாதியு மென்னடிசிங்கி

அந்தக் கருக்குழி முந்த இருளறை சிங்கா

2

ஆதியாய் வந்த அரும்பொருளேதடி சிங்கி

சொதியி லாதி சொரூபா யெழுந்தது சிங்கா

3

சோதியி லாதி சொருபமான தெப்படி சிங்கி

வேதமாம் முப்பொரு ளொன்றாய் முடிந்தது சிங்கா

4

முப்பொரு ளென்று நீ முன் சொன்ன தாரடி சிங்கி

அப்பனு மாயிர மாதியாம் நாமடா சிங்கா

5

எப்படி யுலகில் இப்படி யுருவானோம் சிங்கி

அப்பன் தன் னட்புக்கு ஒப்பிய தாயாலே சிங்கா

6

பராப ரத்தினிற் பஞ்சவன் னமேது சிங்கி

வேராகித் தூரான விந்து நிறமடா சிங்கா

7

ஒன்றுக்குள் ஐவர்கள் உண்டானதெப்படி சிங்கி

ஒன்றோடே ஒன்றாக ஓடி இணைந்தது சிங்கா

8

மூலக் குகைக்குள்ளே முச்சுடரே தடி சிங்கி – அது

நாதத்தில் ஐம்பூதம் நன்பா யுதித்தது சிங்கா

9

மூலக் குகையெனுங் கோட்டைக் கரசர் யார் சிங்கி – அது

முப்பொருள் ஒன்றாய் முடிந்த நினைவடா – சிங்கா

10

மூலக் கிழங்கு முளைத்திடம் எவ்விடம் சிங்கி – அது

நாதத்திலான நடுநிலை யல்லவோ சிங்கா

11

முன்னே முளையாய் முளைத்திடம் எவ்விடம் சிங்கி – அது

மூளைமுனையிரு கண்ணிக ளல்லவோ சிங்கா

12

முன்னே யுருவாய் முடிந்திட மெவ்விடம் சிங்கி – அது

பெண்ணாணு மாகப் பிறந்த தலமடா சிங்கா

13

இந்த வுடலுக்கு வேரென்ன தூரென்ன சிங்கி – அது

இந்த வுடலுக்கு யிராதி மூலமே சிங்கா

14

இந்த வுடலுக் குயிர் வந்ததெப்படி சிங்கி – அது

தொந்தி நடுக்குழி தொப்பூழ் வழியடா சிங்கா

15

இந்த வுடலுக் குயிரெங்கே நின்றது சிங்கி – அது

அந்தர மாயண்ட மாக்கொடி யல்லவோ சிங்கா

16

இந்த வுடற்கனி எந்தக் கொடிக்கனி சிங்கி – அது

முந்திய கொப்பூழு மாக்கொடி யல்லவோ சிங்கா

17

மாக்கொடி என்பதை மானிடர் என் சொன்னார் சிங்கி

மட்டில் அடங்காத மாகலி மாவடா சிங்கா

18

எந்த வழியினால் வந்தோ முலகினில் சிங்கி – அது

எல்லா முடிந்த பொருள் வழியாமடா சிங்கா

19

முன்னே அறிவால் அறிவகை என்னடி சிங்கி – அது

முன் சுடர் மூன்றும் உடலுயிர் ஆத்துமா சிங்கா

20

பின்னே ரறிவர்கள் ஒன்றான தெப்படி சிங்கி – அது

பேதகமற்ற பெருவெளி யானது சிங்கா

21

ஆசை கொண்டு நம்மை யாட்டுவாராரடி சிங்கி – அது

அக்கினி வாயுநீர் மண்ணின் மகிமையே சிங்கா

22

ஆசை பாசப்பலன் அனுபோகம் ஆரடி சிங்கி – அது

அங்கம் பொருந்திய பங்குமண் அல்லவோ சிங்கா

23

தன்னை அறியுந்தலமேது சொல்லடி சிங்கி – அது

கண்ணிடையான நடுநிலை யல்லவோ சிங்கா

===24---

என்னவிதமாகத் தன்னை யறிவது சிங்கி – அது

தன்னவன் தாய்தந்தை யாகி நாமானது சிங்கா

25

இறையை அறிவதிங் கெப்படிச் சொல்லடி சிங்கி – அது

இறையெங்கு நின்றாடுந் தன்நினை வாகுமே சிங்கா

26

தன்னுள் விளங்கும் தவமென்ன சொல்லடி சிங்கி – அது

தன்னை மறந்து தவத்தில் இருப்பது சிங்கா

27

என்ன விதமாகத் தன்னை மறப்பது சிங்கி – அது

ஒன்றைப் பொருந்தி யொடுங்கியிருப்பது சிங்கா

28

என்ன விதமாக ஒன்றைப் பொருந்தலாம் சிங்கி – அது

எல்லா மறந்து இருளா யிருப்பது சிங்கா

29

ஒன்றென்று சொன்ன உயர்நிலை என்னடி சிங்கி –அது

உன்னா லுதிப்பல முன்னால் நினைவடா சிங்கா

30

கன்னி யெழுந்து கலந்திடம் எவ்விடஞ் சிங்கி – சில

உன்னி யெழுந்த உயிர் நிலை யல்லவோ சிங்கா

31

எங்கும் பரந்த பெரும் பொருளென்னடி சிங்கி – அது

அங்கிங்கு மெங்குமாய்க் கண்ட பெருவெளி சிங்கா

32

அண்ணிணு மெண்ணும் அழியாப் பொருளென்ன சிங்கி – இரு

கண்ணையு மூட இருளழி யாப்பொருள் சிங்கா

33

ஆங்கார வுடலுக்கு ஆணியா னென்னடி சிங்கி – அது

ஓங்கார மூலத்தின் உள்ளொளி யல்லவோ சிங்கா

34

ஆணியாய் வந்த அரும்பொருள் என்னடி சிங்கி – முன்

தோணிய சற்குரு முதனாம மல்லவோ சிங்கா

35

இந்தப் பொருள் வந்ததெந்த வழியடி சிங்கி – அது

அந்தக் கதிர்மதி வந்த வழியடா சிங்கா

36

கத்த னொளிவு கலந்திடம் எவ்விடம் சிங்கி – அது

அத்தன் நடனந்தான் ஆடிய தற்பரஞ் சிங்கா

37

உத்தம்பஃ பொருளுக்கு உயிரெழுத் தென்னடி சிங்கி – வழி

நச்சரவாடும் நடுநிலை யல்லவோ சிங்கா

38

எட்டெழுத்தாக எழுந்தெழுத் தென்னடி சிங்கி – அது

மட்டி லடங்கா வடிவட்ட கோணமே சிங்கா

39

அஞ்செழுத்தாக அமைந்தெழுத் தென்னடி சிங்கி – அது

அஞ்சும் பொருந்திய ஆகாய வட்டமே சிங்கா

40

அன்பத்தோ ரட்சரம் அறிய நீ சொல்லடி சிங்கி – அது

வஞ்ச மகார நடுச்சுழி மூன்றுமே சிங்கா

41

கற்பக வாசி கலந்திடம் எவ்விடம் சிங்கி – அது

உற்பன மூலத்தி னுள்ளளொளி யல்லவோ சிங்கா

42

சத்தம் பிறந்திடும் சற்குரு வேதடி சிங்கி – அது

உற்ற சுவாசம் உயிர்நிலை யல்லவோ சிங்கா

43

கண்டு தொழுஞ்சிவ காரண மேதடி சிங்கி – நம்மை

உண்டு படுத்திய உள்ளொளி யானதே சிங்கா

44

எப்படிக் கண்டே இறையை வணங்கலாம் சிங்கி – அது

நட்புடன் இரண்டு நடுநிலை காண்பது சிங்கா

45

நடுநிலை யானதை நாடுவதெப்படி சிங்கி – அது

நாட்டந் தேட்ட மோட்ட மாட்ட மொன்றாயினால் சிங்கா

46

தேட்டமு நாலுந் திருந்துவ தெப்படி சிங்கி – அது

திருவைப் பொருந்தி ஒருமித் திருப்பதே சிங்கா

47

ஒருமித் திருக்கின்ற ஓரிட மெவ்விடம் சிங்கி – அது

ஒன்றாம் இரவும் பகலும் உதிப்பிடம் சிங்கா

48

இரவும் பகலும் ஒன்றானது மெவ்விடம் சிங்கி – அது

எப்போதும் இருளாய் இருப்பது மூளையே சிங்கா

49

இரவும் பகலும் பிறப்பிட மெவ்விடம் சிங்கி – அது

இருளில் உதித்துன்னி வந்தத டிமூலம் சிங்கா

50

இரவும் பகலும் மெழுந்திடம் எவ்விடம் சிங்கி – அது

ஏகாந்த உன்னல்வந்து ஏறிய தாமரை சிங்கா

51

இரவும் பகலும் பிறந்திடம் எவ்விடம் சிங்கி – அது

எழுந்தறு கோணம் இடம்வலம் வாசியே சிங்கா

52

இரவும் பகலும் நின் றாடிய தெவ்விடம் சிங்கி – அது

எழுந்து நின்றாடுஞ் சுழுமுனை மண்டலம் சிங்கா

53

இரவும் பகலும் இருப்பிடம் எவ்விடம் சிங்கி – அது

ஈராறு மோடிய வோரான நான்கடா சிங்கா

54

இரவும் பகலும் உதிப்பிடம் எவ்விடம் சிங்கி – அது

ஏறுமெட்டங்குல மிருவிழி நடுநிலை சிங்கா

55

இரவம் பகலுமென் றென்னதைச் சொல்லலாம் சிங்கி – அது

இரவு பகலிடை பிங்கலை வாசியே சிங்கா

56

இடைகலை பிங்கலை என்னத்தைச் சொல்லலாம் சிங்கி – அது

இடைகலை சந்திரன் பிங்கலை சூரியன் சிங்கா

57

என்னத்தைச் சொல்லலாம் சந்திரன் சூரியன் சிங்கி – அது

கலையும் பொருந்தும் நடுச்சுழு முனையே சிங்கா

58

சந்திரன் சூரியன் ஒன்றான தெவ்விடம் சிங்கி – அது

கலையும் பொருந்து நடுச்சுழு முனையே சிங்கா

59

என்னத்திலே பாலனேறி நின்றாடுது சிங்கி – அது

உன்னுக்குள் வாசி நடனப் புரவிமேற் சிங்கா

60

என்ன விதமாய் எடுத்துநின் றாடலாம் சிங்கி – அது

ஏற்றவும் மாற்றவும் இணங்கி நின்றாடிப்பார் சிங்கா

61

மாற்றிப் பிடிக்க மருந்தென்ன சொல்லடி சிங்கி – அது

மாளாமல் மாண்டு மறைந்து இருப்பதே சிங்கா

62

அட்டகசங்கள் அறிந்திட மெவ்விடம் சிங்கி – அது

எட்டு விதமா யெழுதும் பலனடா சிங்கா

63

உற்றஞானப் பொருள் உத்தியாய்ச் சொன்னதார் சிங்கி – அது

உத்தமர் பீருமுகம்ம துரைத்தது சிங்கா

முற்றும்