அறிவியல் வினா விடை - விலங்கியல்/கண்ணறையும் திசுவும்
7. கண்ணறையும் திசுவும்
1. கண்ணறை (செல்) என்றால் என்ன?
- உயிர்ப்பொருள் நிரம்பியதே கண்ணறை. இது உயிரின் அமைப்பலகும் வேலையலகும் ஆகும்.
2. கண்ணறையிலுள்ள உயிர்ப்பொருள்களுக்கு என்ன பெயர்?
- முன் கணியம் (புரோட்டோபிளாசம்)
3. கண்ணறையில் கண்ணறைப் படலத்திற்கும் உட்கருவிற்கும் இடையிலுள்ள பகுதியின் பெயர் என்ன?
- கண்ணறைக் கணியம் (சைட்டோபிளாசம்)
4. கண்ணறையின் இன்றியமையாப் பகுதி எது?
- உட்கரு
5. இதிலுள்ள பொருள்கள் யாவை?
- நிறப்புரி, மரபணு, டி என் ஏ, ஆர் என் ஏ.
6. தனிக்கண்ணறைகளால் பிரிக்கப்படாத என்பது எதைக் குறிப்பது?
- ஒற்றைக் கண்ணறை உயிரி அமீபா.
7. நுண்புரிகள் என்பவை யாவை?
- கோல்கை உறுப்பு, அகக் கனிய வலைப்பின்னல் ஆகியவற்றில் துண்டுகள்.
8. மையப்புரி என்றால் என்ன?
- நுண்ணிய உருளை வடிவப் பொருள். உட்கருப்படலத் திற்கு வெளியே உள்ளது. இழைப்பிரிவிலும், குன்றல் பிரிவிலும் கதிர் முனைகளை உண்டாக்குவது.
9. கோல்கை அமைப்பு என்றால் என்ன?
- விலங்கணுக்களில் மைய உறுப்பைச் சுற்றியுள்ள பொருள். 1898 இல், காமிலோ கோல்கை என்பார் கண்டறிந்தது. செல் கரப்புக்குக் காரணமானது.
10. தற்சிதைவு என்றால் என்ன?
- உயிரணுக்கள் இறந்தபின், அவற்றின் நொதிகளாலேயே அவை அழிக்கப்படுதல்.
11. நுண்பிளப்பு என்றால் என்ன?
- உட்கரு முதலிய நுண்பொருள்களை நுண்ணோக்கியில் பிளக்கும் நுணுக்கம்.
12. குற்றிழை உயிரிகளில் காணப்படும் இரு உட்கருக்கள் யாவை?
- பெருவுட்கரு, சிறுஉட்கரு. எ-டு பரமேசியம்.
13. குறுக்குக்கலப்பு என்றால் என்ன?
- குறுக்கு தோன்றுவதன் வாயிலாக அதன்மூலம் ஒருபடித்தான நிறணியன் கருக்களிடையே ஏற்படும் பொருள் பரிமாற்றம். இவ்வரிய நிகழ்ச்சி கண்ணறைப் பிரிவில் நடைபெறுவது.
14. இதனை யார் எவ்வாராய்ச்சியின் மூலம் கண்டறிந்தார்?
15. பரிமாற்றக் கலப்பு என்றால் என்ன?
- பெற்றோரின் பாலினால் குறிப்பிட்ட பண்பின் மரபுரிமை பாதிக்கப்படுகிறதா என்பதை ஆய்வது.
16. திசுவியல் என்றால் என்ன?
- திசுக்களை ஆராயுந்துறை.
17. திசு என்றால் என்ன?
- குறிப்பிட்ட வேலையைச் செய்யும் கண்ணறைகளின் தொகுதி. ஒரே அமைப்புள்ளது. தூண்டலுக்கேற்ற துலங்களைத் தெரிவிப்பது. எ-டு தசை.
18. நம் உடலிலுள்ள ஐவகை திசுக்கள் யாவை?
| 1. மேல்படலத்திசு | - | புறத்தோல், வாய், சுரப்பி. |
| 2. தசைத்திசுகள் | - | வரித்தசை, வரியில்லாத்தசை. |
| 3. தாங்குதிசுகள் | - | இணைப்புத்திசு, எலும்புத்திசு. |
| 4. நரம்புத்திசு | - | மூளை நரம்புகள் |
| 5. நீர்மத்திசு | - | குருதி. |
19. திசு வளர்ப்பு என்றால் என்ன?
- தகுந்த ஊடகத்தில் கண்ணறைகள், திசுக்கள், உறுப்புகள் ஆகியவற்றைப் பேணல்.
20. திசுக்களின் பொதுவான வேலைகள் யாவை?
- 1. தாங்குதல் அளித்தல்
- 2. பாதுகாப்பு அளித்தல்
- 3. இயக்கம் அளித்தல்
- 4. தூண்டலுக்கேற்ற துலங்கலை உண்டாக்கல்.
- 5. ஊட்டப்பொருள்களையும், கழிவுகளையும் எடுத்துச் செல்லுதல்.
21. இணைப்புத்திசு என்றால் என்ன?
- தாங்குதல், பாதுகாப்பு, பழுதுபார்த்தல் முதலிய வேலைகளைச் செய்வது. தோலுக்குக் கீழ் உள்ளது.
22. கொழுப்புத்திசு என்றால் என்ன?
- திசுக்களில் ஒரு வகை. இதில் வெண் கொழுப்பு அல்லது மாநிறக் கொழுப்பு உண்டு.
23. உயிர்வளிக்குறை என்றால் என்ன?
- திசுக்களில் உயிர்வளி இல்லாத நிலை.
24. படலம் என்பது என்ன?
- கண்ணறை, உறுப்பு முதலியவற்றைக் சூழ்ந்துள்ள திசு. எ-டு கண்ணறைப்படலம்.
25. படல எலும்பு என்றால் என்ன?
- இணைப்புத் திசுவால் உண்டாவது, குருத்தெலும்பு பங்குபெறுவதில்லை.
26. அகவாக்கம் என்றால் என்ன?
- புதிய பொருள்கள் முன் கணியத்தில் சேர்வதால் உயிரிகள் வளர்தல்.
27. உறுப்பு என்பது யாது?
- பல திசுக்களைக்கொண்ட பகுதி. ஒவ்வொரு உறுப்பிற்கும் ஒரு வேலையுண்டு. எ-டு காது கேட்டல்.
28. உறுப்புகள் என்பவை யாவை?
- உயிரணுவிலுள்ள உட்கரு, நுண்குமிழி முதலியவை.
29. மண்டலம் என்பது என்ன?
- பல உறுப்புகள் கொண்டது மண்டலம். எ-டு செரித்தல் மண்டலம் - சுரப்பிகள், இரைப்பை , குடல்.