அறிவியல் வினா விடை - விலங்கியல்/விலங்குகளின் தொழில் நுட்பவியல்
13. விலங்குகளின் தொழில்நுட்பவியல்
1. படியாக்கம் என்றால் என்ன?
- ஓர் உயிரின் நகலை டிஎன்ஏ வழி கருப்பையிள் வளர்த்து உண்டாக்கல். எ-டு டோலி செம்மறியாடு.
2. சார்லஸ் வெயிஸ்மன் செய்த அரும் பணி யாது?
- குச்சி வடிவ உயிரியல் மனித இண்டர் பெரானை வெற்றி தரும் வகையில் 1980 இல் உருவாக்கிக் காட்டினார்.
3. ஸ்டீன் வில்லாட்சன் செய்த அருந்செயல் யாது?
- 1984 இல் வெற்றிதரும் வகையில் செம்மறியாட்டைப் படியாக்கம் செய்தார்.
4. முதன் முதலில் படியாக்கம் செய்யப்பட்ட விலங்கு யாது?
- டோலி என்னும் செம்மறியாடு. 1997 இல் படியாக்கம் செய்யப்பட்டது.
5. இதைச் செய்தவர் யார்?
- பேரா. அயன் வில்மட் எடின் பர்க்கிற்கு அருகிலுள்ள ரோக்லின் நிறுவனத்தைச் சார்ந்தவர்.
6. முதன் முதலில் படியாக்கம் செய்யப்பட்ட வீட்டுப் பூனைக் குட்டி எது?
- ஆமை ஒட்டுப்பூனைக்குட்டி ஆகும். இது 2002 ஜனவரி யில் உருவாக்கப்பட்டது.
7. இதுவரை படியாக்கம் செய்யப்பட்டுள்ள விலங்கினங்கள் யாவை?
- செம்மறியாடு, பன்றி, சுண்டெலி, பசு.
8. மாற்ற மரபணு பெற்ற விலங்குகள் யாவை?
- டோலி, நோயா, பூனைக்குட்டி
9. படியாக்கம் செய்யப்பட்ட உலகின் முதல் கன்றுக்குட்டி எது? இதைச் செய்தவர்கள் யார்?
- ஜெபர்சன் என்னும் ஆண் கன்றுக்குட்டி இதன் எடை 44.1 கிகி. 1998 பிப்ரவரி 16 ஆம் நாள் பிறந்தது. இதைச் செய்தவர்கள் அமெரிக்க அறிவியலார்.
10. படியாக்க முறையில் உருவாக்கப்பட்ட வேறு பாலூட்டிகள் யாவை?
- அமெரிக்காவில் தனியார் ஆராய்ச்சி நிறுவனம் ஒன்று இரு குரங்குகளை 1997 இல் உருவாக்கியது.
11. நோயா என்பது யாது?
- நோயா என்பது முதன்முதலில் உருவாக்கப்பட்ட ஆண் கன்றுக்குட்டி ஒரு பசுவின் கருப்பையில் படியாக்கம் செய்யப்பட்டு வளர்க்கப்பட்டது. (2002)
12. தைவான் செய்த படியாக்க ஆய்வுகள் யாவை?
- தைவான் மூன்று பன்றிக்குட்டிகளைப் படியாக்கம் செய்துள்ளது. இவை மனிதக் கண்ணறைகளிலிருந்தும் பன்றிக் கண்ணறைகளிலிருந்தும் மரபுப்பொருட்களை கொண்டுள்ளவை.(2002)
13. இவ்வாய்வுகளின் சிறப்பென்ன?
- குருதி உறையாமை நோய்க்கு இதன் மூலம் குணமாக்கும் மருத்துவமுறை கண்டறிய இயலும்.
14. முதல் மனித படியாக்கம் எப்பொழுது செய்யப்பட்டது? செய்தது யார்?
- 2001 அக்டோபர் 10 இல் செய்யப்பட்டது. செய்தது ஜோஸ் சிபெலி. இவர் அர்ஜண்டினாவில் பிறந்த அறிவியலார்.
15. மனிதப் படியாக்க ஆய்வைத் தொடங்க இருப்பவர் யார்?
16. மனிதப்படியாக்கம் செம்மறியாட்டுப் படியாக்கம் இவ்விரண்டில் எது செய்வதற்கு எளிது?
- மனிதப்படியாக்கம்.
17. மனிதப்படியாக்கம் ஒழுக்கச் சிக்கலை உருவாக்குமா?
- முழு மருத்துவப் பயனோடு நின்றால் ஒழுக்கச் சிக்கலை உருவாக்குவதற்கில்லை.
18. மரபணுபாக்கம் அல்லது மரபாக்கம் என்றால் என்ன?
- இது 1977 வாக்கில் தோன்றிய புதிய அறிவியல் துறை. இது ஒரு தொழில் நுணுக்கமும் ஆகும்.
19. இந்நுட்பத்தில் அடங்கும் செயல்கள் யாவை?
- தேவைப்படும் மரபணுக்களை அடையாளங் கண்டறிந்து பிரிப்பதும், பின் ஆய்வக வளர்ப்புக் கரைசல்களுக்கு அவற்றை மாற்றுவதும் இதில் நடைபெறும் செயல்கள். வேறு உயிரிகளுக்கு மாற்றப்படும் வரை அவை வளர்ப்புக் கரைசலிலேயே இருக்கும்.
20. மரபணுவாக்கத்தின் பெரும் பயன் என்ன?
- புற்றுநோய் முதலியவற்றைக் குணப்படுத்தவும் புதிய எதிர்ப்பு பொருள்களை உண்டாக்கவும் பயன்படுவது.
21. மரபணுவாக்கத்தின் அதிக அக்கறை காட்டும் அறிவியலார் யாவர்?
- ஆங்கில நாட்டு அறிவியலாரும், அமெரிக்க நாட்டு அறிவியலாரும் ஆகும்.
22. மரபணுவாக்கத்தின் வேறு பெயர் என்ன?
- மீன் சேர்ப்பு டி என் ஏ தொழில் நுணுக்கம்.
23. மரபணு நடுநிலை என்றால் என்ன?
- ஓர் உயிர்த் தொகுதியில் காணப்படும் நிலைமை. இதில் அடுத்தடுத்து வரும் தலைமுறைகள் குறிப்பிட்ட மரபணுக்களைப் பொறுத்த வரை, ஒரே மரபு முத்திரையை ஒரே நிகழ்தகவுடன் கொண்டிருக்கும்.
24. மரபாக்கத்தில் உருவாக்கப்படும் இரு வளர்தூண்டிகள் யாவை?
- இன்சுலின், இண்டர்பெரான்.
25. மரபணுப் புரட்சி என்றால் என்ன?
- மரபாக்கம் மூலம் வேளாண்மை, மருத்துவம் முதலிய துறைகளில் அமைதியாக நடைபெற்று வரும் முன்னேற்றம்.
26. மரபணுப்பண்டுவம் என்றால் என்ன?
- மரபணுக் குறை நீக்கம். குறைபாடுள்ள மரபணுக்களை மரபணுவாக்க நுணுக்கங்கள் மூலம் மாற்றியமைத்தல். ஆய்வுநிலையில் உள்ளது. இறுதியான நோக்கம் 5000 அளவுக்கு மேற்பட்ட மரபணு நோய்களைப் போக்குவதே.
27. மரபுக்குறியம் என்றால் என்ன?
- ஒரு தலைமுறையிலிருந்து மற்றொரு தலைமுறைக்கு மரபு வழிப்பண்புகள் செல்வதைப் பற்றிய நெறிப்பாடு. உயிரணு நிறப்புரியின் மூலக்கூறு அமைப்பினால் இது வெளிப்படுகிறது.
28. டாக்டர் வெர்மா அவர்களின் பங்பளிப்பு யாது?
- இவர் அமெரிக்கச் சார்க் நிலையத்தைச் சார்ந்தவர். நச்சிய ஊடக மரபணு மாற்றுகையைப் பயன்படுத்துவதில் முன்னோடி. இது மரபணுப் பண்டுவத்திற்கு ஓர் அணுகுமுறையாகும். இவர் கருத்துப்படி மரபணுக்கள் நோய்வாய்படுவதால் ஏற்படுவதே புற்றுநோய்.
29. மரபணுப் பிணைவு என்றால் என்ன?
- ஓர் மரபணு மற்றொரு மரபணுவுடன் நொதியின் மூலம் இணைதல்.
30. உயிரியல் கட்டுப்பாடு என்றால் என்ன?
- வேதிப்பொருள்களைத் தவிர்த்து, இரையாக்கிகளைக் கொண்டு தொற்றுயிர்களைக் கட்டுப்படுத்துதல். எ-டு. மீன்களால் கொசுக்களை அழித்தல், பாம்புகளால் எலிகளைக் கொல்லுதல்.
31. உயிரி வன்முறை என்றால் என்ன?
உயிரி படைக்கருவி ஆகும்.
32. உயிர் ஒழுக்க உடன்பாடு என்றால் என்ன?
- இதை 20 ஐரோப்பிய நாடுகள் செய்துள்ளன. மரபாக்கத்தை மனிதன் மீது பயன்படுத்துவதைத் தடுப்பது இதன் முதன்மையான நோக்கம். (1997)