கலைக்களஞ்சியம்/அப்பலேச்சியன் மலைகள்

அப்பலேச்சியன் மலைகள் வட அமெரிக்காவின் கிழக்குப் பாகத்திலுள்ள முக்கியமான மலைத்தொடர்; 1,300 மைலுக்கு மேல் நீளமானவை. செயின்ட்லாரன்ஸ் ஆற்றிலிருந்து, அலபாமா வரையில் இந்த மலைகள் பரவியிருக்கின்றன. இவற்றிடையே உள்ள பள்ளத்தாக்குகள் மிகவும் செழிப்புள்ளவை. இம்மலைகளில் இரும்பு, கரி, நாகம், பெட்ரோலியம் முதலியவை கிடைக்கின்றன. மிச்செல் உச்சி மிக உயரமானது (6711 அடி). பார்க்க: அமெரிக்க ஐக்கிய நாடுகள்.