கடவுள், ‘அன்பர்களே, உங்கள் எண்ணம் பரிசுத்தமானதாய் இருக்கிறது. உலகத்தில் மக்கள் தங்கட்குப் பொருள் வேண்டும் என்றும், தாங்கள் சுகமாக வாழ வேண்டும் என்றும் வரம் கேட்பார்கள். நீங்களோ, மிக எளிய வரத்தைக் கேட்டீர்கள். நீங்கள் கேட்டதை அருளினோம். நீங்கள் நீடூழி வாழ்ந்து, முடிவில் எம்மை அடையுங்கள்,' என்று கூறி ஆசீர்வதித்து, தம் தூதனுடன் மறைந்தார்.
கிழவர் குடிசை பொற்குடிசை ஆனது. அக்குடிசையில் எல்லாப் பொருள்களும் குறைவற நிறைந்து கிடந்தன. முப்பத்திரண்டு தானங்களிலும் அன்ன தானமே சிறந்தது என்பதை அப்போதே சதிபதிகள் உணர்ந்தார்கள். நெடுங்காலம் இருவரும் குறையின்றி வாழ்ந்து வந்தனர். முடிவில், ஒரு நாள் மாலை அவ்விருவரும் வெளியே உலவச் சென்று ஓரிடத்தில் உட்கார்ந்தனர். உடனே அவர்கள் ஆவி இறைவரின் இனிய அடிகளைச் சேர்ந்தது. அவர்கள் உட்கார்ந்து உயிர் விட்ட இடத்தில், இரண்டு அழகிய பூஞ்செடிகள் உண்டாயின. அவர்கள் இருந்த வீடு, இருந்த இடம் தெரியாமல் மறைந்தது. என்னே கடவுள் செயல்!
கேள்விகள்:
1. கடவுள் மனித வடிவுடன் ஏன் வந்தார்?
2. கிழவனும், கிழவியும் மனித வடிவுடன் வந்த கடவுளை எப்படி உபசரித்தார்கள்?
3. கிழவனும், கிழவியும் வாழ்ந்த அக்கிராமத்தார் எப்படிப் பட்டவர்கள்?
57
