மலரும் உள்ளம்-1/உழவர் வாழ்க!
உண்ண உணவு தந்திடும்
உழவர் வாழ்க, வாழ்கவே,
மண்ணை உழுது பயிர்களை
வளர்க்கும் உழவர் வாழ்கவே.
ஒன்றை நூறு நெற்களாய்
உண்டு பண்ணித் தருபவர்;
நன்கு உழுது வியர்வையால்
நனைந்து போக உழைப்பவர்;
கண்ணைப் போலப் பயிர்களைக்
காத்து உயிர்கள் காப்பவர்
உண்ண உணவு இன்றியே
உடல் வருந்தல் நீதியோ?
பாடு பட்டு உழுபவர்,
பலனும் கண்டு தருபவர்,
நாடு வளர வாழ்பவர்.
நன்கு வாழ்க, வாழ்கவே!