கலைக்களஞ்சியம்/அமெரிக்க இயற்கை விஞ்ஞானப் பொருட்காட்சிச் சாலை

அமெரிக்க இயற்கை விஞ்ஞானப் பொருட்காட்சிச் சாலை (American Museum of Natural History) நியூயார்க்கில் இருப்பது. உயிரியல் அறிவை வளர்த்தற்கென்று 1869-ல் நிறுவப் பெற்றது. பன்னிரண்டு விஞ்ஞானப் பகுதிகளுள்ளது. பெரிய நூல் நிலையமுண்டு. கல்விப் பகுதியும் வெளியீட்டுப் பகுதியும் உண்டு. ஹேடன் பிளானெட்டேரியம் (Hayden planetarium) என்னும் விண்பொருட் காட்சி நிலையமும் இதன் பார்வையில் நடைபெறுகிறது. இந்தச் சாலையில் பல அரிய பாசில்களும், பறவை, மீன் முதலியவைகளும் வைக்கப்பட்டிருக்கின்றன. அவை இயற்கையாக வாழும் சூழ்நிலைகளில் இருப்பதேபோல் அமைக்கப் பெற்றிருக்கும் காட்சிகள் மிகச் சிறந்தவை. மனிதனுடைய பழஞ்சரிதையை யுணர்த்தும் காட்சிப் பொருள்களும் இருக்கின்றன.