தண்டியலங்காரம்-சொல்லணியியல்
ஆசிரியர்: பெரும்புலவர் தண்டி தொகு
தண்டியலங்காரம் தொகு
(தமிழ் அணி இலக்கணநூல்)
3. சொல்லணியியல் தொகு
நூற்பா:92 (எழுத்தின் )
- எழுத்தின் கூட்ட மிடைபிறி தின்றியும் எழுத்தின் கூட்டம் இடை பிறிது இன்றியும்
- பெயர்த்தும்வேறு பொருடரின் மடக்கெனும் பெயர்த்தே (01) பெயர்த்தும் வேறு பொருள் தரின் மடக்கு எனும் பெயர்த்தே (01)
நூற்பா:93 ( அதுதான்,ஓரடி)
- அதுதான், (01) அது தான்,
- ஓரடி முதலா நான்கடி காறுஞ் ஓர் அடி முதலா நான்கு அடிகாறும்
- சேரு மென்ப தெளிந்திசி னோரே (02) சேரும் என்ப தெளிந்திசினோரே (02)
நூற்பா:94 (ஆதியிடை )
- ஆதி யிடைகடை யாதியோ டிடைகடை ஆதி இடை கடை ஆதியோடு இடை கடை
- யிடையொடு கடைமுழு தெனவெழு வகைத்தே (03) இடையொடு கடை முழுது என எழு வகைத்தே (03)
நூற்பா:95 (ஓரடி )
- ஓரடி யொழிந்தன தேருங் காலை ஓர் அடி ஒழிந்தன தேரும் காலை
- யிணைமுதல் விகற்ப மேழு நான்கு இணை முதல் விகற்பம் ஏழும் நான்கும்
- மடைவுறும் பெற்றியி னறியத் தோன்றும் (04) அடைவுறும் பெற்றியின் அறியத் தோன்றும் (04)
நூற்பா:96 (அடிமுழுது )
அடிமுழுது மடக்கலு மாங்கதன் சிறப்பே (05) அடி முழுதும் மடக்கலும் ஆங்கு அதன் சிறப்பே (05)
நூற்பா:97 (ஓரெழுத்து )
- ஓரெழுத்து மடக்கலு முரித்தென மொழிப (06) ஓர் எழுத்து மடக்கலும் உரித்து என மொழிப (06)
நூற்பா:98 ( கோமூத்)
- கோமூத் திரியே கூட சதுக்கம் கோ மூத்திரியே கூட சதுக்கம்
- மாலை மாற்றே யெழுத்து வருத்தனம் மாலை மாற்றே எழுத்து வருத்தனம்
- நாக பந்தம் வினாவுத் தரமே நாக பந்தம் வினா உத்தரமே
- காதை கரப்பே கரந்துறைச் செய்யுட் காதை கரப்பே கரந்து உறைச் செய்யுள்
- சக்கரஞ் சுழிகுளஞ் சருப்பதோ பத்திர சக்கரம் சுழி குளம் சருப்பதோ பத்திரம்
- மக்கரச் சுதகமு மவற்றின் பால (07) அக்கரச் சுதகமும் அவற்றின் பால (07)
நூற்பா:99 ( பிரிபொருட்)
- பிரிபொருட் சொற்றொடர் மாறுபடு பொருண்மொழி பிரி பொருள் சொல் தொடர் மாறு படு பொருள் மொழி
- மொழிந்தது மொழிவே கவர்படு பொருண்மொழி மொழிந்தது மொழிவே கவர் படு பொருள் மொழி
- நிரனிறை வழுவே சொல்வழு யதிவழு நிரல் நிறை வழுவே சொல் வழு யதி வழு
- செய்யுள் வழுவொடு சந்தி வழுவென செய்யுள் வழுவொடு சந்தி வழு என
- வெய்திய வொன்பது மிடனே காலங் எய்திய ஒன்பதும் இடனே காலம்
- கலையே யுலக நியாய மாகம கலையே உலகம் நியாயம் ஆகமம்
- மலைவுமுள் ளுறுத்தவும் வரைந்தனர் புலவர் (08) மலைவும் உள் உறுத்தவும் வரைந்தனர் புலவர் (08)
நூற்பா:100 (மேற்கோ )
- மேற்கோ ளேது வெடுத்துக் காட்டென மேற்கோள் ஏது எடுத்துக் காட்டு என
- வாற்றுளிக் கிளக்கு மவற்றது வழுநிலை ஆற்றுளிக் கிளக்கம் அவற்றது வழு நிலை
- நிரம்ப வுணர்த்த வரம்பில வென்ப (09) நிரம்ப உணர்த்த வரம்பு இல என்ப (09)
@@ தொகு
நூற்பா:101 ( அவற்றுள்,பிரி)
- அவற்றுள், அவற்றுள்,
- பிரிபொருட் சொற்றொடர் செய்யுண் முழுவது பிரி பொருள் சொல் தொடர் செய்யுள் முழுவதும்
- மொருபொருட் பயவா தொரீஇத் தோன்றும் (10) ஒரு பொருள் பயவாது ஒரீஇத் தோன்றும் (10)
நூற்பா:102 (களியினு )
- களியினும் பித்தினுங் கடிவரை யின்றே (11) களியினும் பித்தினும் கடி வரை இன்றே (11)
நூற்பா:103 ( மாறுபடு)
- மாறுபடு பொருண்மொழி முன்மொழிந் ததற்கு மாறு படு பொருள் மொழி முன் மொழிந்ததற்கு
- மாறுபடத் தோன்றி வருமொழித் தாகும் (12) மாறுபடத் தோன்றி வரும் மொழித்து ஆகும் (12)
நூற்பா:104 (காமமு )
- காமமு மச்சமுங் கைம்மிகி னுரித்தே (13) காமமும் அச்சமும் கைம்மிகின் உரித்தே (13)
நூற்பா:105 (மொழிந்தது )
- மொழிந்தது மொழிவே கூறியது கூறி மொழிந்தது மொழிவே கூறியது கூறி
- வேறுபட வொருபொருள் விளங்கா தாகும் (14) வேறு பட ஒரு பொருள் விளங்கா தாகும் (14)
நூற்பா:106 (விரைவினுஞ் )
- விரைவினுஞ் சிறப்பினும் வரைவின் றதுவே (15) விரைவினும் சிறப்பினும் வரைவு இன்று அதுவே (15)
நூற்பா:107 (ஒருபொரு )
- ஒருபொரு டுணிய வுரைக்க லுற்றசொல் ஒரு பொருள் துணிய உரைக்கல் உற்ற சொல்
- லிருபொருட் கியைவது கவர்படு பொருண்மொழி (16) இரு பொருட்கு இயைவது கவர் படு பொருள் மொழி (16)
நூற்பா:108 ( வழூஉப்)
- வழூஉப்பட லில்வழி வரைவின் றதுவே (17) வழூஉப் படல் இல் வழி வரைவு இன்று அதுவே (17)
நூற்பா:109 (ஒருநிரன் )
- ஒருநிரன் முன்வைத் ததன்பின் வைக்கும் ஒரு நிரல் முன் வைத்து அதன் பின் வைக்கும்
- நிரனிறை பிறழ்வது நிரனிறை வழுவே (18) நிரல் நிறை பிறழ்வது நிரல் நிறை வழுவே (18)
நூற்பா:110 (உய்த்துணர )
- உய்த்துணர வரும்வழி யவ்வாறு முரித்தே (19) உய்த்து உணர வரும் வழி அவ்வாறும் உரித்தே (19)
@@@ தொகு
நூற்பா:111 (சொல்வழு )
- சொல்வழு வென்பது சொல்லிலக் கணத்தொடு சொல் வழு என்பது சொல் இலக்கணத்தொடு
- புல்லா தாகிய புகர்படு மொழியே (20) புல்லாது ஆகிய புகர் படு மொழியே (20)
நூற்பா:112 (வழக்கா )
- வழக்கா றாயின் வழுவின் றதுவே (21) வழுக்காறு ஆயின் வழு இன்று அதுவே (21)
நூற்பா:113 ( யதிவழு)
- யதிவழு வென்ப தோசை யறுவழி யதி வழு என்பது ஓசை அறு வழி
- நெறிப்பட வாரா நிலைமைய தென்ப (22) நெறிப் பட வாரா நிலைமையது என்ப (22)
நூற்பா:114 (வகையுளி )
- வகையுளி யுரைப்புழி வரைவின் றதுவே (23) வகையுளி உரைப்புழி வரைவு இன்று அதுவே (23)
நூற்பா:115 (செய்யுள் )
- செய்யுள் வழுவே யாப்பிலக் கணத்தோ செய்யுள் வழுவே யாப்பு இலக்கணத்தோடு
- டெய்த லில்லா வியல்பிற் றாகும் (24) எய்தல் இல்லா இயல்பிற்று ஆகும் (24)
நூற்பா:116 (ஆரிடத் )
- ஆரிடத் துள்ளு மவைபோல் பவற்றுளு ஆரிடத்து உள்ளும் அவை போல்பவற்றுள்ளும்
- நேரு மென்ப நெறியுணர்ந் தோரே (25) நேரும் என்ப நெறி உணர்ந்தோரே (25)
நூற்பா:117 ( சந்திவழு)
- சந்தி வழுவே யெழுத்திலக் கணத்துச் சந்தி வழுவே எழுத்து இலக்கணத்துச்
- சந்தியொடு முடியாத் தன்மைத் தாகும் (26) சந்தியொடு முடியாத் தன்மைத்து ஆகும் (26)
நூற்பா:118 (இரண்டாம் )
- இரண்டாம் வேற்றுமைக் கெதிர்மறுத்தும் வருமே (26) இரண்டாம் வேற்றுமைக்கு எதிர் மறுத்தும் வருமே (26)
நூற்பா:119 (இடமெனப் )
- இடமெனப் படுபவை மலைநாடி யாறே (27) இடம் எனப் படுபவை மலை நாடு யாறே (27)
நூற்பா:120 (காலம் )
- காலம் பொழுதொடு பருவமென் றிரண்டே (28) காலம் பொழுதொடு பருவம் என்று இரண்டே (28)
நூற்பா:121 (கலையெனப் )
- கலையெனப் படுபவை காண்டக விரிப்பிற் கலை எனப்படுபவை காண் தக விரிப்பின்
- காமமும் பொருளு மேமுறத் தழுவி காமமும் பொருளும் ஏமுறத் தழுவி
- மறுவறக் கிளந்த வறுபத்து நான்கே (29) மறு அறக் கிளந்த அறுபத்து நான்கே (29)
நூற்பா:122 (உலகெனப் )
- உலகெனப் படுவதீண் டொழுக்கின் மேற்றே (30) உலகு எனப்படுவது ஈண்டு உலகின் மேற்றே (30)
நூற்பா:123 ( நியாய)
- நியாய மென்பது நெறியுறக் கிளக்கி நியாயம் என்பது நெறி உறக் கிள்ளின்
- னளவையிற் றெளிக்கும் வினைபொருட் டிறமே (31) அளவையின் தெளிக்கும் வினை பொருள் திறமே (31)
நூற்பா:124 (ஆகம )
- ஆகம மென்பன மநுமுத லாகிய ஆகமம் என்பன மநு முதல் ஆகிய
- வறனொடு புணர்ந்த திறனறி நூலே (32) அறனொடு புணர்ந்த திறன் அறி நூலே (32)
நூற்பா:125 ( கூறிய)
- கூறிய நெறியி னாறுவகை மலைவு கூறிய நெறியின் ஆறு வகை மலைவும்
- நாடக வழக்கி னாட்டுதற் குரிய (33) நாடக வழக்கின் நாட்டுதற்கு உரிய (33)
நூற்பா:126 (மெய்பெற )
- மெய்பெற விரித்த செய்யுட் டிறனு மெய் பெற விரித்த செய்யுள் திறனும்
- மெய்திய நெறியு மீரைங் குணன எய்திய நெறியும் ஈர் ஐங் குணனும்
- மையெழு வகையி னறிவுறு மணிய ஐ எழு வகையின் அறிவுறும் அணியும்
- மடியினுஞ் சொல்லினு மெழுத்தினு மியன்று அடியினும் சொல்லினும் எழுத்தினும் இயன்று
- முடிய வந்த மூவகை மடக்குங் முடிய வந்த மூ வகை மடக்கும்
- கோமூத் திரிமுதற் குன்றா மரபி கோ மூத்திரி முதல் குன்றா மரபின்
- னேமுற மொழிமிறைக் கவியீ ராறு ஏமுற மொழி மிறைக் கவி ஈர் ஆறும்
- மிவ்வகை யியற்றுதல் குற்ற மிவ்வகை இவ் வகை இயற்றுதல் குற்றம் இவ் வகை
- யெய்த லியம்புத லியல்பென மொழிந்த எய்தல் இயம்புதல் இயல்பு என மொழிந்த
- வைவகை முத்திறத் தாங்கவை யுளப்பட ஐ வகை முத் திறத்து ஆங்கு அவை உளப்பட
- மொழிந்த நெறியி னொழிந்தவுங் கோட மொழிந்த நெறியின் ஒழிந்தவும் கோடல்
- லான்ற காட்சிச் சான்றோர் கடனே (34) ஆன்ற காட்சிச் சான்றோர் கடனே (34)
மூன்றாவது சொல்லணியியல் முடிந்தது தொகு
மூன்றாவது சொல்லணியியல் சூத்திரங்கள் 34
(ஆகமொத்தம் 26+65+34= 125 சூத்திரங்கள்)