மூவர் தோத்திரம்
மூவர் தோத்திரம் தொகு
திருஞான சம்பந்தப் பிள்ளையார் தொகு
- (அறுசீர் விருத்தம்)
- கடியவிழ் கடுக்கை வேணித் தாதைபோற் கனற்கண் மீனக்
- கொடியனை வேவ நோக்கிக் குறையிரந் தனையான் கற்பின்
- பிடியன நடையாள் வேண்டப் பின்னுயி ரளித்துக் காத்த
- முடியணி மாடக் காழி முனிவனை வணக்கஞ் செய்வாம். (1)
- பரசமய கோளரியைப் பாலறா வாயனைப்பூம் பழனஞ் சூழ்ந்த
- சிரபுரத்துத் திருஞான சம்பந்தப் பெருமானைத் தேய மெல்லாம்
- குரவையிடத் தமிழ்வேதம் விரித்தருளுங் கவுணியர் தங்குல தீபத்தை
- விரவியெமை யாளுடைய வென்றிமழ விளங்களிற்றை விரும்பி வாழ்வாம். (2)
திருநாவுக்கரசு சுவாமிகள் தொகு
- (அறுசீர் விருத்தம்)
- அறப்பெருஞ் செல்வி பாகத் தண்ணலஞ் செழுத்தா லஞ்சா
- மறப்பெருஞ் செய்கை மாறா வஞ்சக ரிட்ட நீல
- நிறப்பெருங் கடலும் யார்க்கு நீந்துதற் கரிய வேழு
- பிறப்பெனுங் கடலு நீத்த பிரானடி வணக்கஞ் செய்வாம். (1)
- இடையறாப் பேரன்பு மழைவாரு மிணைவிழியு முழவா ரத்திண்
- படையறாத் திருக்கரமுஞ் சிவபெருமான் றிருவடிக்கே பதித்த நெஞ்சும்
- நடையறாப் பெருந்துறவும் வாகீசப் பெருந்தகைதன் ஞானப் பாடல்
- தொடையறாச் செவ்வாயுஞ் சிவவேடப் பொலிவழகுந் துதித்து வாழ்வாம். (2)
சுந்தரமூர்த்தி சுவாமிகள் தொகு
- (அறுசீர் விருத்தம்)
- அரவக லல்குலார் பாலா சைநீத் தவர்க்கே வீடு
- தருவமென் றளவில் வேதஞ் சாற்றிய தலைவன் றன்னைப்
- பரவைதன் புலவி தீர்ப்பான் கழுதுகண் படுக்கும் பானாள்
- இரவினிற் றூதுகொண்டோ னிணையடி முடிமேல் வைப்பாம். (1)
- ஒருமனத்தைச் சிதைவுசெய்து வல்வழக்கிட் டாட்கொண்ட வுவனைக் கொண்டே
- இருமணத்தைக் கொண்டருளிப் பணிகொண்ட வல்லாள னெல்லா முய்யப்
- பெருமணச்சீர்த் திருத்தொண்டத் தொகைவிரித்த பேரருளின் பெருமா ளென்றும்
- திருமணக்கோ லப்பெருமாள் மறைப்பெருமா ளெமதுகுல தெய்வ மாமால். (2)
- முற்றும்.
- பார்க்க