நன்னூல் சொல்லதிகாரம்
= நன்னூல் சொல்லதிகாரம் தொகு
= ஆசிரியர் பவணந்தி முனிவர் தொகு
முதலாவது பெயரியல் தொகு
நூற்பா: 258
- (அருகக்கடவுள் வணக்கம்)
முச்சக நிழற்று முழுமதி முக்குடைமுச் சகம் நிழற்றும் முழு மதி முக் குடை |
| யச்சுத னடிதொழு தறைகுவன் சொல்லே. (01) |
சொல்லின் பொதுவிலக்கணம் தொகு
நூற்பா: 259
- (சொல்)
- ஒருமொழி தொடர்மொழி பொதுமொழி யென்றா
- இருதிணை யைம்பாற் பொருளையுந் தன்னையும்
- மூவகை யிடத்தும் வழக்கொடு செய்யுளின்
- வெளிப்படை குறிப்பின் விரிப்பது சொல்லே. (02)
நூற்பா: 260
- (மூவகைமொழி)
- ஒருமொழி யொருபொரு ளனவாந் தொடர்மொழி
- பலபொரு ளனபொது விருமையு மேற்பன. (03)
நூற்பா: 261
- (இருதிணை)
- மக்க டேவர் நரக ருயர்திணை
- மற்றுயி ருள்ளவு மில்லவு மஃறிணை. (04)
நூற்பா: 262
- (ஐம்பால்)
- ஆண்பெண் பலரென முப்பாற் றுயர்திணை. (05)
நூற்பா: 263
- ஒன்றே பலவென் றிருபாற் றஃறிணை. (06)
நூற்பா: 264
- (புறனடை)
- பெண்மைவிட் டாணவா வுவபே டாண்பால்
- ஆண்மைவிட் டல்ல தவாவுவ பெண்பால்
- இருமையு மஃறிணை யன்னவு மாகும். (07)
நூற்பா: 265
- (சொல் தன்னையும் பொருளையும் உணர்த்தல்)
- படர்க்கைவினைமுற்று நாமங்குறிப்பிற்
- பெறப்படுந் திணைபா லனைத்து மேனை
- இடத்தவற் றொருமைப் பன்மைப் பாலே. (08)
நூற்பா: 266
- (மூவிடம்)
- தன்மை முன்னிலை படர்க்கை மூவிடனே. (09)
நூற்பா: 267
- வழக்கு)
- இலக்கண முடைய திலக்கணப் போலி
- மரூஉவென் றாகு மூவகை யியல்பும்
- இடக்க ரடக்கன் மங்கலங் குழூஉக்குறி
- எனுமுத் தகுதியோ டாறாம் வழக்கியல். (10)
நூற்பா: 268
- (செய்யுள்)
- பல்வகைத் தாதுவி னுயிர்க்குடல் போற்பல
- சொல்லாற் பொருட்கிட னாக வுணர்வினின்
- வல்லோ ரணிபெறச் செய்வன செய்யுள். (11)
நூற்பா: 269
- (வெளிப்படை குறிப்பு)
- ஒன்றொழி பொதுச்சொல் விகாரந் தகுதி
- ஆகு பெயரன் மொழிவினைக் குறிப்பே
- முதறொகை குறிப்போ டின்ன பிறவும்
- குறிப்பிற் றருமொழி யல்லன வெளிப்படை. (12)
சொற்பாகுபாடு தொகு
நூற்பா: 270
சொல்லின் வகை
- அதுவே,
- இயற்சொற் றிரிசொ லியல்பிற் பெயர்வினை
- எனவிரண் டாகு மிடையுரி யடுத்து
- நான்கு மாந்திசை வடசொலணு காவழி. (13)
நூற்பா: 271
- (இயற்சொல்)
- செந்தமி ழாகித் திரியா தியார்க்கும்
- தம்பொருள் விளக்குந் தன்மைய வியற்சொல். (14)
நூற்பா: 272
- (திரிசொல்)
- ஒருபொருள் குறித்த பலசொல் லாகியும்
- பலபொருள் குறித்த வொருசொல் லாகியும்
- அரிதுணர் பொருளன திரிசொல் லாகும். (15)
நூற்பா: 273
- (திசைச்சொல்)
- செந்தமிழ் நிலஞ் சேர் பன்னிரு நிலத்தினும்
- ஒன்பதிற் றிரண்டினிற் றமிழொழி நிலத்தினும்
- தங்குறிப் பினவே திசைச்சொ லென்ப. (16)
நூற்பா: 274
- (வடசொல்)
- பொதுவெழுத் தானுஞ் சிறப்பெழுத் தானும்
- ஈரெழுத் தானு மியைவன வடசொல். (17)
பெயர்ச்சொல் தொகு
நூற்பா: 275
(பெயரின் பொதுவிலக்கணம்)
- இடுகுறி காரண மரபோ டாக்கந்
- தொடர்ந்து தொழிலல காலந் தோற்றா
- வேற்றுமைக் கிடனாய்த் திணைபா லிடத்தொன்
- றேற்பவும் பொதுவு மாவன பெயரே. (18)
உயர்திணைப்பெயர்கள் தொகு
நூற்பா: 276
- (உயர்திணை ஆண்பாற் பெயர்)
- அவற்றுள்,
- கிளையெண் குழூஉமுதற் பல்பொரு டிணைதேம்
- ஊர்வா னகம்புற முதல நிலன்யாண்
- டிருது மதிநா ளாதிக் காலந்
- தோள்குழன் மார்புகண் காது முதலுறுப்
- பளவறி வொப்பு வடிவு நிறங்கதி
- சாதி குடிசிறப் பாதிப் பல்குணம்
- ஓத லீத லாதிப் பல்வினை
- இவையடை சுட்டு வினாப்பிற மற்றோ
- டுற்ற னவ்வீறு நம்பி யாடூஉ
- விடலை கோவேள் குரிசி றோன்றல்
- இன்னன வாண்பெய ராகு மென்ப. (19)
நூற்பா: 277
- (உயர்திணைப் பெண்பாற் பெயர்)
- கிளைமுத லாகக் கிளந்த பொருள்களுள்
- ளவ்வொற் றிகரக் கேற்ற வீற்றவும்
- தோழி செவிலி மகடூஉ நங்கை
- தையலோ டின்னன பெண்பாற் பெயரே. (20)
நூற்பா: 278
- (உயர்திணைப் பலர்பாற் பெயர்)
- கிளைந்த கிளைமுத லுற்றரவ் வீற்றவும்
- கள்ளெ னீற்றி னேற்பவும் பிறவும்
- பல்லோர் பெயரின் பகுதி யாகும். (21)
அஃறிணைப்பெயர்கள் தொகு
நூற்பா: 279
- (அஃறிணை யொன்றன்பாற் பெயர்
- வினாச்சுட் டுடனும் வேறுமாம் பொருள்
- ஆதி யுறுதுச் சுட்டணை யாய்தம்
- ஒன்றனெண் ணின்னன வொன்றன் பெயரே. (22)
நூற்பா: 280
- (அஃறிணைப் பலவின்பாற் பெயர்)
- முன்ன ரவ்வொடு வருவை யவ்வும்
- சுட்டிறு வவ்வுங் கள்ளிறு மொழியும்
- ஒன்ற லெண்ணு முள்ள வில்ல
- பல்ல சில்ல வுளவில பலசில
- இன்னவும் பலவின் பெயரா கும்மே. (23)
நூற்பா: 281
- (அஃறிணையிருபாற் பொதுப்பெயர்)
- பால்பகா வஃறிணைப் பெயர்கள்பாற் பொதுமைய. (24)
நூற்பா: 282
பொதுப்பெயர்கள் தொகு
- (இருதிணைப்பொதுப்பெயர்)
- முதற்பெயர் நான்குஞ் சினைப்பெயர் நான்குஞ்
- சினைமுதற்பெயரொரு நான்குமுறை யிரண்டுந்
- தன்மை நான்கு முன்னிலை யைந்தும்
- எல்லாந் தாந்தா னின்னன பொதுப்பெயர். (25)
நூற்பா: 283
- ஆண்மை பெண்மை யொருமை பன்மையின்
- ஆமந் நான்மைக ளாண்பெண் முறைப்பெயர். (26)
நூற்பா: 284
- அவற்றுள், ஒன்றே யிருதிணைத் தன்பா லேற்கும். (27)
நூற்பா: 285
- (தன்மை முன்னிலைப் படர்க்கைப் பெயர்கள்
- தன்மை யானான் யாநா முன்னிலை
- எல்லீர் நீயீர் நீவிர் நீர்நீ
- அல்லன படர்க்கை யெல்லா மெனல்பொது. (28)
நூற்பா: 286
- வினையின் பெயரே படர்க்கை வினையா
- லணையும் பெயரே யாண்டு மாகும். (29)
நூற்பா: 287
- (பொதுப்பெயர் பன்னிரண்டு)
- தான்யா னானீ யொருமை பன்மைதாம்
- யாநா மெலாமெலீர் நீயிர்நீர் நீவிர். (30)
நூற்பா: 288
- ஒருவ னொருத்திப் பெயர்மே லெண்ணில. (31)
நூற்பா: 289
- ஒருவ ரென்ப துயரிரு பாற்றாய்ப்
- பன்மை வினைகொளும் பாங்கிற் றென்ப. (32)
ஆகுபெயர் தொகு
நூற்பா: 290
- பொருண்முத லாறோ டளவைசொற் றானி
- கருவி காரியங் கருத்த னாதியுள்
- ஒன்றன் பெயரா னதற்கியை பிறிதைத்
- தொன்முறை யுரைப்பன வாகு பெயரே. (33)
வேற்றுமை தொகு
நூற்பா: 291
- ஏற்கு மெவ்வகைப் பெயர்க்குமீ றாய்ப்பொருள்
- வேற்றுமை செய்வன வெட்டே வேற்றுமை. (34)
நூற்பா: 292
- வேற்றுமையின் பெயரும் முறையும்
- பெயரே ஐஆல் குஇன் அதுகண்
- விளியென் றாகு மவற்றின் பெயர்முறை. (35)
நூற்பா: 293
- ஆற னுருபு மேற்குமவ் வுருபே. (36)
நூற்பா: 294
- நீயிர் நீவிர்நா னெழுவா யலபெறா. (37)
நூற்பா: 295
(பெயர் வேற்றுமை)
- அவற்றுள்,
- எழுவா யுருபு திரிபில் பெயரே
- வினைபெயர் வினாக்கொள லதன்பய னிலையே. ((38)
நூற்பா: 296
- (இரண்டாம் வேற்றுமை
- இரண்டா வதனுரு பையே யதன்பொருள்
- ஆக்க லழித்த லடைத னீத்தல்
- ஒத்த லுடைமை யாதி யாகும். (39)
நூற்பா: 297
- (மூன்றாம் வேற்றுமை)
- மூன்றா வதனுரு பாலா னோடொடு
- கருவி கருத்தா வுடனிகழ் வதன்பொருள். (40)
நூற்பா: 298
- (நான்காம் வேற்றுமை)
- நான்கா வதற்குரு பாகுங் குவ்வே
- கொடைபகை நேர்ச்சி தகவது வாதல்
- பொருட்டுமுறை யாதியி னிதற்கிதெனல் பொருளே. (41)
நூற்பா: 299
- (ஐந்தாம் வேற்றுமை)
- ஐந்தா வதனுரு பில்லு மின்னும்
- நீங்கலொப் பெல்லை யேதுப் பொருளே. (42)
நூற்பா: 300
- (ஆறாம் வேற்றுமை)
- ஆற னொருமைக் கதுவுமாதுவும்
- பன்மைக் கவ்வு முருபாம் பண்புறுப்?
- பொன்றன் கூட்டம் பலவி னீட்டந்
- திரிபி னாக்க மாந்தற் கிழமையும்
- பிறிதின் கிழமையும் பேணுதல் பொருளே. (43)
நூற்பா: 301
- (ஏழாம் வேற்றுமை)
- ஏழ னுருபுகண் ணாதி யாகும்
- பொருண்முத லாறு மோரிரு கிழமையின்
- இடனாய் நிற்ற லிதன்பொரு ளென்ப. (44)
நூற்பா: 302
- (ஏழாம் வேற்றுமை உருபுகள்)
- கண்கால் கடையிடை தலைவாய் திசைவயின்
- முன்சார் வலமிட மேல்கீழ் புடைமுதல்
- பின்பா டளைதே முழைவழி யுழியுளி
- உள்ளகம் புறமில் லிடப்பொரு ளுருபே. (45)
நூற்பா: 303
- (எட்டாம் வேற்றுமை)
- எட்ட னுருபே யெய்து பெயரீற்றின்
- திரிபு குன்றன் மிகுத லியல்பயற்
- றிரிபு மாம்பொருள் படர்க்கையோரைத்
- தன்முக மாகத் தானழைப் பதுவே. (46)
நூற்பா: 304
- (விளிக்கப்படு பெயர்கள்)
- இஉ ஊவோ டையோ னளரல
- யவ்வீற் றுயர்திணை யோரவல் லிவற்றொடு
- ணஃகா னாவீ றாகும் பொதுப்பெயர்
- ஞநவொழி யனைத்தீற் றஃறிணை விளிப்பன. (47)
நூற்பா: 305
(பொதுவாகிய விளியுருபு)
- இம்முப் பெயர்க்கண் ணியல்பு மேயும்
- இகர நீட்சியு முருபா மன்னே. (48)
நூற்பா: 306
(விளியுருபிற்கு எய்தியதன்மேற் சிறப்புவிதி)
- ஐயிறு பொதுப்பெயர்க் காயு மாவும்
- உருபா மல்லவற் றாயு மாகும். (49)
நூற்பா: 307
- ஒருசார் னவ்வீற் றுயர்திணைப் பெயர்க்கண்
- அளபீ றழிவய னீட்சி யதனோ
- டீறு போத லவற்றோ டோவுறல்
- ஈறழிந் தோவுற லிறுதியவ் வாதல்
- அதனோ டயறிரிந் தேயுற லீறழிந்
- தயலே யாதலும் விளியுரு பாகும். (50)
நூற்பா: 308
- ளஃகா னுயர்பெயர்க் களபீ றழிவயல்
- நீட்சி யிறுதி யவ்வொற் றாதல்
- அயலி லகரமே யாதலும் விளித்தனு. (51)
நூற்பா: 309
- ரவ்வீ றுயர்பெயர்க் களபெழ லீற்றயல்
- அகரம் இஈ யாத லாண்டையா
- யீயாத லதனோ டேயுற லீற்றே
- மிக்கயல் யாக்கெட் டதனய னீடல்
- ஈற்றி னீருற லிவையுமீண் டுருபே. (52)
நூற்பா: 310
- லகாரவீற் றுயர்பெயர்க் களபய னீட்சியும்
- யகார வீற்றிற் களபுமா முருபே. (53)
நூற்பா: 311
- னவ்வீற் றுயர்திணை யல்லிறு பெயர்க்கண்
- இறுதி யழிவத னோடய னீட்சி. (54)
நூற்பா: 312
- லளவீற் றஃறிணைப் பெயர்ப்பொதுப் பெயர்க்கண்
- ஈற்றய னீட்சியு முருபா கும்மே. (55)
நூற்பா: 313
(விளியுருபின் புறனடை)
- அண்மையி னியல்புமீ றழிவுஞ் சேய்மையின்
- அளபும் புலம்பி னோவு மாகும். (56)
நூற்பா: 314
- (விளியுருபேலாப் பெயர்கள்)
- நுவ்வொடு வினாச்சுட் டு்ற்ற னளர
- வைதுத் தாந்தா னின்னன விளியா. (57)
நூற்பா: 315
- (முதல் சினைகளில் ஐயும் கண்ணும்)
- முதலை யையுறிற் சினையைக் கண்ணுறும்
- அதுமுதற் காயிற் சினைக்கை யாகும். (58)
நூற்பா: 316
- (முதல் சினை)
- முதலிவை சினையிவை யெனவே றுளவில
- உரைப்போர் குறிப்பின வற்றே பிண்டமும். (59)
நூற்பா: 317
- (உருபுமயக்கம்)
- யாத னுருபிற் கூறிற் றாயினும்
- பொருள்சென் மருங்கின் வேற்றுமை சாரும். (60)
நூற்பா: 318
- (செய்யுளில் திரிந்துவரல்)
- ஐயான் குச்செய்யுட் கவ்வு மாகும்
- ஆகா வஃறிணைக் கானல் லாதன. (61)
நூற்பா: 319
- (முடிக்குஞ்சொல்)
- எல்லை யின்னு மதுவும் பெயர்கொளும்
- அல்ல வினைகொளு நான்கே ழிருமையும்
- புல்லும் பெரும்பாலு மென்மனார் புலவர். (62)
பெயரியல் முற்றும் தொகு
பார்க்க:
- [[]]
- நன்னூல் எழுத்ததிகாரம் 1. எழுத்தியல்
- [[]]