1. நாமகள் இலம்பகம்- பாடல் 326-350
சீவகசிந்தாமணிக் காப்பியம்
தொகு
- மெல்விரன் மெலியக் கொய்த குளநெல்லும் விளைந்த வாம்ப
- லல்லியு முணங்கு முன்றி லணில்விளித் திரிய வாமான்
- புல்லிய குழவித் திங்கட் பொழிகதிர்க் குப்பை போலு
- நல்லெழிற் கவரி யூட்ட நம்பியை நினைக்கு மன்றே. (326) ( )
- பெண்மைநாண் வனப்புச் சாயல் பெருமட மாது பேசி
- னொண்மையி னொருங்கு கூடி யுருவுகொண் டனைய நங்கை
- நண்ணிய நுங்கட் கெல்லா மடைக்கல மென்று நாடுங்
- கண்ணிய குலனுந் தெய்வங் கரந்துரைத் தெழுந்த தன்றே. (327)
- (வேறு )
- உறுதி சூழ்ந்தவ ணோடலி னாயிடை
- மறுவில் வெண்குடை மன்னவன் காதலஞ்
- சிறுவன் றன்மையைச் சேர்ந்தறிந் திவ்வழிக்
- குறுக வம்மெனக் கூனியைப் போக்கினாள். (238) ( )
- நெஞ்சி னொத்தினி யாளையென் னீர்மையால்
- வஞ்சித் தேனென வஞ்சியங் கொம்பனாள்
- பஞ்சி மெல்லடிப் பல்கல னார்ப்பச்சென்
- றிஞ்சி மாநகர்த் தன்னிட மெய்தினாள். (239) ( )
- தானுந் தன்னுணர் விற்றளர்ந் தாற்றவும்
- மானி னோக்கிவ ரும்வழி நோக்கிநின்
- றானி யம்பல வாசையிற் செல்லுமே
- தேனி யம்புமொர் தேம்பொழிற் பள்ளியே. (330)
- வேறு( )
- மட்டவிழ் கோதை வாளன வுண்கண் மயிலன்னாள்
- கட்டழ லெவ்வங் கைம்மிக நீக்கிக் களிகூர
- விட்டகல் வாற்றா வேட்கையி னோடும் பொழுதிப்பாற்
- பட்டதை யெல்லாம் பல்லவர் கேட்கப் பகர்குற்றேன். (331) ( )
- கூற்றம் மஞ்சுங் கொன்னுனை யெஃகின் னிளையானும்
- மாற்றம் மஞ்சும் மன்னிய கற்பின் மடவாளும்
- போற்றித் தந்த புண்ணியர் கூடிப் புகழோனைச்
- சீற்றத் துப்பிற் சீவக னென்றே பெயரிட்டார். (332) ( )
- மேகம் மீன்ற மின்னனை யாடன் மிளிர்பைம்பூ
- ணாகம் மீன்ற வம்முலை யின்பா லமிர்தேந்தப்
- போகம் மீன்ற புண்ணிய னெய்த கணையேபோல்
- மாகம் மீன்ற மாமதி யன்னான் வளர்கின்றான். (333) ( )
- அம்பொற் கொம்பி னாயிழை யைவர் நலனோம்பப்
- பைம்பொற் பூமிப் பல்கதிர் முத்தார் சகடம்மும்
- செம்பொற் றேரும் வேழமு மூர்ந்து நிதிசிந்தி
- நம்பன் செல்லு நாளினு நாளு நலமிக்கே. (334) ( )
- பல்பூம் பொய்கைத் தாமரை போன்றும் பனிவானத்
- தெல்லார் கண்ணு மின்புற வூரும் மதிபோன்றுங்
- கொல்லுஞ் சிங்கக் குட்டியும் போன்றிவ் வுலகேத்தச்
- செல்லும் மன்னோ சீவகன் றெய்வப் பகைவென்றே. (335) ( )
- மணியும் முத்தும் மாசறு பொன்னும் பவளம்மு
- மணியும் பெய்யும் மாரியி னேற்பார்க் கவைநல்கிக்
- கணிதம் மில்லாக் கற்பகங் கந்துக் கடனொத்தா
- னிணைவே லுண்க ணந்தையு மின்பக் கொடியொத்தாள். (336) ( )
- சாதிப் பைம்பொன் றன்னொளி வௌவித் தகைகுன்றா
- நீதிச் செல்வம் மேன்மே னீந்தி நிறைவெய்திப்
- போதிச் செல்வம் பூண்டவ ரேத்தும் பொலிவின்னா
- லாதிக் காலத் தந்தணன் காதன் மகனொத்தான். (337)
- ( வேறு)
- நனந்தலை யுலகின் மிக்க நன்னுதன் மகளிர் தங்கள்
- மனந்தளை புரிய நின்ற மதலைமை யாடு கென்றே
- பொனங்கொடி யிறைஞ்சி நின்று பூமகள் புலம்பி வைக
- வனங்கனுக் கவலஞ் செய்யு மண்ணனற் றாயு ரைத்தாள். (338) ( )
- முழவெனத் திரண்ட திண்டோண் மூரிவெஞ் சிலையினானு
- மழலெனக் கனலும் வாட்க ணவ்வளைத் தோளி னாளும்
- மழலையாழ் மருட்டுந் தீஞ்சொன் மதலையை மயிலஞ் சாயற்
- குழைமுக ஞான மென்னுங் குமரியைப் புணர்க்க லுற்றார். (339) ( )
- அரும்பொனு மணியு முத்துங் காணமுங் குறுணி யாகப்
- பரந்தெலாப் பிரப்பும் வைத்துப் பைம்பொன்செய் தவிசி னுச்சி
- யிருந்து பொன்னோலை செம்பொ னூசியா லெழுதி யேற்பத்
- திருந்துபொற் கண்ணி யாற்குச் செல்வியைச் சேர்த்தி னாரே. (340) ( )
- நாமக ணலத்தை யெல்லா நயந்துடன் பருகி நன்னூ
- லேமுத லாய வெல்லாப் படைக்கலத் தொழிலு முற்றிக்
- காமனுங் கனிய வைத்த புலங்கரை கண்டு கண்ணார்
- பூமகள் பொலிந்த மார்பன் புவிமிசைத் திலக மொத்தான். (341) ( )
- மின்றெளித் தெழுதி யன்ன விளங்குநுண் ணுசுப்பி னல்லார்
- பொன்றெளித் தெழுதி யன்ன பூம்புறப் பசலை மூழ்கிக்
- குன்றொளித் தொழிய நின்ற குங்குமத் தோளி னாற்குக்
- கன்றொளித் தகல வைத்த கறவையிற் கனிந்து நின்றார். (342) ( )
- விலைபகர்ந் தல்குல் விற்கும் வேலினும் வெய்ய கண்ணார்
- முலைமுகந் திளையர் மார்ப முரிவில ரெழுதி வாழுங்
- கலையிகந் தினிய சொல்லார் கங்குலும் பகலு மெல்லாஞ்
- சிலையிகந் துயர்ந்த திண்டோட் சீவகற் கரற்றி யாற்றார். (343) ( )
- வான்சுவை யமிர்த வெள்ளம் வந்திவட் டொக்க தென்னத்
- தான்சுவை கொண்ட தெல்லாந் தணப்பறக் கொடுத்த பின்றைத்
- தேன்சுவைத் தரற்றும் பைந்தார்ச் சீவக குமர னென்ற
- வூன்சுவைத் தொளிறு?ம் வேலாற் குறுதியொன் றுரைக்க லுற்றான். (344) ( )
- நூனெறி வகையி னோக்கி நுண்ணிதி னுழைந்து தீமைப்
- பானெறி பலவு நீக்கிப் பருதியங் கடவு ளன்ன
- கோனெறி தழுவி நின்ற குணத்தொடு புணரின் மாதோ
- நானெறி வகையி னின்ற நல்லுயிர்க் கமிர்த மென்றான். (345) ( )
- அறிவினாற் பெரிய நீரா ரருவினை கழிய நின்ற
- நெறியினைக் குறுகி யின்ப நிறைகட லகத்து நின்றார்
- பொறியெனும் பெயர வைவாய்ப் பொங்கழ லரவின் கண்ணே
- வெறிபுலங் கன்றி நின்றார் வேதனைக் கடலு ணின்றார். (346) ( )
- கூற்றுவன் கொடிய னாகிக் கொலைத்தொழிற் கருவி சூழ்ந்து
- மாற்றரும் வலையை வைத்தான் வைத்ததை யறிந்து நாமும்
- நோற்றவன் வலையை நீங்கி நுகர்ச்சியி லுலக நோக்கி
- யாற்றுறப் போத றேற்றா மளியமோஒ பெரிய மேகாண். (347) ( )
- பேரஞ ரிடும்பை யெல்லாம் பிளந்திடும் பிறப்பு நீக்கு
- மாரமிர் தரிதிற் பெற்றா மதன்பயன் கோட றேற்றா
- மோருமைம் பொறியு மோம்பி யுளபகல் கழிந்த பின்றைக்
- கூரெறி கவரும் போழ்திற் கூடுமோ குறித்த வெல்லாம். (348) ( )
- தழங்குரன் முரசிற் சாற்றித் தத்துவந் தழுவல் வேண்டிச்
- செழுங்களி யாளர் முன்ன ரிருளறச் செப்பி னாலும்
- முழங்கழ னரகின் மூழ்கு முயற்சிய ராகி நின்ற
- கொழுங்களி யுணர்வி னாரைக் குணவதங் கொளுத்த லாமோ. (349) ( )
- பவழவாய்ச் செறுவு தன்னு ணித்திலம் பயில வித்திக்
- குழவிநா றெழுந்து காளைக் கொழுங்கதி ரீன்று பின்னாக்
- கிழவுதான் விளைக்கும் பைங்கூழ் கேட்டிரேற் பிணிசெய் பன்மா
- வுழவிர்காண் மேயுஞ் சீல வேலியுய்த் திடுமி னென்றான். (350)
- தொடர்வது
- 1. நாமகள் இலம்பகம்- பாடல் 351-375
- சீவகசிந்தாமணி
- சீவகசிந்தாமணி- பதிகம்
- 1. நாமகள் இலம்பகம் பாடல் 01-25
- 1.நாமகள் இலம்பகம்- பாடல் 26-50
- 1. நாமகள் இலம்பகம்- பாடல் 51-75
- 1. நாமகள் இலம்பகம்- பாடல் 101-125
- 1. நாமகள் இலம்பகம்- பாடல் 125-150
- 1. நாமகள் இலம்பகம் பாடல் 151-175
- 1.நாமகள் இலம்பகம்- பாடல் 176-200
- 1. நாமகள் இலம்பகம்- பாடல் 201-225
- 1. நாமகள் இலம்பகம்- பாடல் 225-250
- 1. நாமகள் இலம்பகம்- பாடல் 251-275
- 1. நாமகள் இலம்பகம்- பாடல் 276-300
- 1.நாமகள் இலம்பகம்- பாடல் 301-325
- [[]]
- 1. நாமகள் இலம்பகம்- பாடல் 351-375
- 1. நாமகள் இலம்பகம்- பாடல் 376-400
